Багалюбава (Уладзімірская вобласць)

У паняцця ёсць і іншыя значэнні, гл. Багалюбава.

Багалю́бава — гарадскі пасёлак у Расіі, ва Уладзімірскай вобласці, каля вусця ракі Нерлі. Былая рэзідэнцыя Андрэя Багалюбскага.

У пасёлку знаходзіцца чыгуначная станцыя Багалюбава[ru].

Гісторыя

Багалюбава было заснавана ў 1158 годзе па распараджэнню князя Андрэя Багалюбскага. Княжацкая рэзідэнцыя была пабудавана ў 1158—1565.

У 1177 годзе рэзідэнцыя разрабавана разанскім князем Глебам, у 1230-я гады разбурана татарамі.

Выдатнасці

Часткова захаваліся земляныя валы, равы, ніжнія часткі сцен і слупоў белакаменных умацаванняў, рэшткі замка, цокальная частка храма Раства Багародзіцы (1158—65), на якой пастаўлена барочная ярусная царква (1751).

Галоўны сабор, надбрамная званіца і келлі пабудаваны ў 19 ст.

Цяпер Багалюбава ў складзе Уладзіміра-Суздальскага гісторыка-мастацкага і архітэктурнага музея-запаведніка. За 1,5 км ад Багалюбава — царква Пакрова на Нерлі.

• Царква Пакрова на Нерлі[ru]
• Свята-Багалюбскі жаночы манастыр[ru]
• Храм Раства Багародзіцы і Лесвічная вежа (з уключанымі рэшткамі замка Андрэя Багалюбскага)

Літаратура

• Багалюбава // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 2: Аршыца — Беларусцы. С. 197.
• Воронин Н. Владимир. Боголюбово. Суздаль. Юрьев-Польской. 5 изд. М., 1983.
• Экземплярский А. В. Боголюбово, село // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.

Спасылкі

• На Вікісховішчы ёсць медыяфайлы па тэме Багалюбава (Уладзімірская вобласць)