Памплона

Памплона (ісп.: Pamplona, баскск.: Iruñea, лац.: Pompaelo, Pompelon, Pompeiopolis, Pampilona) — сталіца аўтаномнай вобласці Навара на поўначы Іспаніі, адзін з найстаражытнейшых гарадоў краіны. Знаходзiцца ля падножжа Заходніх Пірэнэяў, на рацэ Арзе (прытоку Арагона).

Муніцыпалітэт знаходзіцца ў складзе раёна (камаркі) Куэнка-дэ-Памплона.

Найбольш вядомае свята ў Памплоне — Сан-Ферміна, якое праходзіць штогод з 6 па 14 ліпеня (увекавечаны ў рамане Эрнэста Хэмінгуэя «І ўзыходзіць сонца (Фіеста)»).

Культура

У горадзе маецца два ўніверсітэта: Універсітэт Навары і Публічны ўніверсітэт Навары. Археалагічная і мастацкая спадчына правінцыі прадстаўлена ў Музеі Навары. З 2004 года ў Памплоне праходзіць штогадовы міжнародны фестываль дакументальнага кіно «Пунта дэ віста». Памплона таксама славіцца сваім энсьера.

Гарады пабрацімы

• Баёна, Францыя (1960)
• Ямагуты, Японія (1980)
• Падэрборн, Германія (1992)
• Памплона, Калумбія (2001)

Славутасці

• гатычны сабор (1397, канчаткова завершаны ў 1527), цяпер Музей рэлігійнага мастацтва
• сярэднявечныя цытадэль і царква Сан-Сатурніна,
• каралеўскі палац (сярэдзіна XIX стагоддзя),
• будынак мэрыі ў стылі барока
• парк Таканера з помнікам герою Навары Х. Гаеру

Музеі

• Музей рэлігійнага мастацтва
• Гісторыка-мастацкі музей Навары

Вядомыя асобы

• Пабла дэ Сарасатэ (1844—1908), скрыпач і кампазітар