Пезінак

Пе́зінак (славацк.: Pezinok, ням.: Bösing, венг.: Bazin) — горад у паўднёва-заходняй Славакіі каля падножжа Малых Карпат. Горад і навакольныя вёскі (асабліва Модра і Светы Юр) вядомыя сваім вінаграднікамі і віном вельмі высокай якасці. Насельніцтва каля 21 тыс. чалавек.

Гісторыя

Тэрыторыя, на якой ляжыць Пезінак, упершыню згадваецца ў 1208 як Тэра Бозін. З першапачатковага земляробчага паселішча Пезінак становіцца вінаградарскім горадам. У XVI стагоддзі ў горад перабіраюцца шматлікія нямецкія імігранты з Аўстрыі. У 1647 Фердынанд III даў гораду права вольнага каралеўскага горада. У XVII-XVIII стст. Пезінак быў адным з найбагацейшых гарадоў Венгрыі. У XIX стагоддзі прыходзіць індустрыялізацыя, якая спынілася ў першай палове XX стагоддзя, тады ж пачынаецца масавая іміграцыя ў Амерыку. У другой палове XX стагоддзя сітуацыя паляпшаецца і цяпер Пезінак адзін з самых паспяховых гарадоў Славакіі.

Славутасці

• Замак
• Касцёл Св. Марыі
• Касцёл Уваскрэсення
• Касцёл Св. Тройцы
• Касцёл Св. Крыжа
• Касцёл Св. Жыгімонта
• Барочныя і рэнесансныя будынкі
• Вінныя скляпы

Спасылкі

• На Вікісховішчы ёсць медыяфайлы па тэме Пезінак
• Афіцыйны сайт горада
• Інфармацыя пра замак Пезінак Архівавана 19 ліпеня 2006.