Прахаціцы
Пра́хаціцы (чэшск.: Prachatice [ˈpraxacɪtsɛ], был. ням.: Prachatitz) — горад на поўдні Чэхіі, у 40 км на захад ад Чэске-Будзеёвіцаў. З’яўляецца муніцыпалітэтам з пашыранымі паўнамоцтвамі і адміністрацыйным цэнтрам раёна Прахаціцы Паўднёвачэшскага края. Насельніцтва складае 11 744 чалавекі.
Гісторыя
Паселішча на скрыжаванні гандлёвых шляхоў, адным з якіх быў «Залаты шлях», па якім везлі соль з Баварыі ў Чэхію, узнікла, верагодна, у XI стагоддзі. У другой палове XIII стагоддзя Прахаціцы становіцца горадам. У XVI стагоддзі горад перажывае росквіт: будуецца ратуша, гарадскія ўмацаванні, перабудоўваецца гатычны касцёл XIV стагоддзя.
Пасля Мюнхенскай змовы 1938 года як частка Судэцкай вобласці адышоў да Трэцяга рэйха. Пасля вайны вярнуўся ў склад Чэхаславакіі. З 1981 года гістарычны цэнтр горада знаходзіцца пад аховай дзяржавы.
Славутасці
- Новая ратуша ў стылі неарэнесансу (1903)
- Старая ратуша з насценным жывапісам (1570—1571)
- Касцёл Св. Якава
- Сярэдневяковая забудова
Насельніцтва
Да заканчэння Другой сусветнай вайны большую частку насельніцтва складалі немцы. Станам на канец 2009 года насельніцтва горада складала 11 744 чалавекі, з якіх мужчын 5 694 (48,48 %), жанчыны - 6 050 (51,52 %).
| Год | 1869 | 1880 | 1890 | 1900 | 1910 | 1921 | 1930 |
| Насельніцтва | 4 911 | 5 682 | 5 363 | 5 573 | 5 779 | 5 482 | 5 926 |
| Год | 1950 | 1961 | 1970 | 1980 | 1991 | 2001 | 2009 |
| Насельніцтва | 5 130 | 5 381 | 7 100 | 10 354 | 11 805 | 11 843 | 11 744 |
Спасылкі
На Вікісховішчы ёсць медыяфайлы па тэме Прахаціцы- Афіцыйны сайт (чэшск.)
Катэгорыя·Населеныя пункты паводле алфавіта
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.