Хомутаў

Хо́мутаў (чэшск.: Chomutov; Коматау, ням.: Komotau) — горад у Чэхіі, у раёне Хомутаў Усцецкага края. Чыгуначны вузел.

Гісторыя

Першапачаткова — чэшскі гандлёвы гарадок. З 1252 года ўладанне Тэўтонскага ордэна, у гэта перыяд Хомутаў быў цалкам анямечаны. У 1396 годзе Хомутаў атрымаў правы горада, а ў 1416 годзе быў прададзены Вацлаву IV, імператару Свяшчэннай Рымскай імперыі. 16 сакавіка 1421 годзе горад быў разбураны табарытамі, у 1588 годзе тут пасяліліся езуіты. У 1605 стаў вольным каралеўскім горадам. Падчас Трыццацігадовай вайны двойчы, у 1645 і ў 1647, быў заняты шведамі.

Эканоміка

Дзейнічае буйны металургічны завод, развіта станкабудаванне, хімічная і харчовая прамысловасць. Вытворчасць гадзіннікаў, керамічнага посуду. Здабыча вуглю (горад размешчаны ў межах Паўночна-Чэшскага буравугальнага басейна).

Славутасці

• Гатычныя цэрквы Св. Ігната і Св. Кацярыны.
• Краязнаўчы музей.

• Заапарк

• 
• 
• 

Гарады-пабрацімы

•  Бернбург, Германія

Спасылкі

• На Вікісховішчы ёсць медыяфайлы па тэме Хомутаў
• http://www.chomutov-mesto.cz/e_index.asp Афіцыйны сайт горада Архівавана 28 верасня 2007.