Арэкіпа (горад)

Арэкіпа (ісп.: Arequipa) — горад на поўдні Перу, за 1003 км ад сталіцы Лімы, у даліне каля падножжа вулкана Місты. Насельніцтва каля 852 тысяч чалавек. Горад з’яўляецца сталіцай аднайменнага рэгіёна Арэкіпа.

Заснаваны ў 1540 годзе.

Геаграфія і клімат

Горад размешчаны ва ўрадлівай даліне ракі Чылі, у падножжа спячага вулкана Эль-Місці, на вышыні 2 335 метраў над узроўнем мора паміж прыбярэжнай пустыняй Атакама і горным хрыбтом усходніх Анд.

Клімат Арэкіпы паўпустынны, даволі халаднаваты для горада, які размешчаны так блізка да экватара, дзякуючы значнай вышыні над узроўнем мора. Узровень інсаляцыі вельмі высокі.

Цікавыя факты

• У 1922 годзе амерыканскія батанікі Натаніэль Брытан і Джозеф Роўз па назве горада назвалі род кактусаў, якія растуць на поўдні Перу і поўначы Чылі:Arequipa Britton & Rose.
• У гонар горада названы астэроід 737 Арэкіпа, які быў адкрыты ў 1912 годзе. Назва звязана з Арэкіпскай абсерваторыяй, размешчанай у той час у горадзе.
• У Арэкіпе нарадзіўся нобелеўскі лаўрэат Марыа Варгас Льёса.

Зноскі

1. ↑ https://www.inei.gob.pe/media/MenuRecursivo/publicaciones_digitales/Est/Lib1539/libro.pdf — Instituto Nacional de Estadística e Informática. Праверана 23 лістапада 2018.
2. ↑ “Climate Statistics for Arequipa, Peru”(нявызн.) (недаступная спасылка). Архівавана з першакрыніцы 7 жніўня 2012. Праверана 12 студзеня 2012.

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с. іл.

Спасылкі

• На Вікісховішчы ёсць медыяфайлы па тэме Арэкіпа (горад)

Arequipa даведнік на сайце Wikivoyage