Аспіталет-дэ-Льябрэгат

Аспітале́т-дэ-Льябрэга́т (катал.: L’Hospitalet de Llobregat) — горад на паўночным усходзе Іспаніі, які размяшчаецца ў аўтаномнай супольнасці Каталонія, у непасрэднай блізкасці ад Барселоны. Гэта другі паводле колькасці насельніцтва горад у Каталоніі. Горад характэрны тым, што з’яўляецца адным з самых густанаселеных гарадоў у Еўрапейскім Саюзе.

Гісторыя

Першыя звесткі пра паселішчы чалавека адносяцца да эпохі неаліту; артэфакты паказваюць на чалавечае жытло каля ракі Льябрэгат. Знойдзеныя рымскія артэфакты датуюцца II стагоддзем да н.э., знойдзеныя пахавальныя ўпрыгажэнні, якія зараз захоўваюцца ў археалагічным музеі Барселоны. Былі знойдзены пісьмовыя сведчанні аб паселішчы, якія датуюцца X стагоддзем.

Цяперашняя назва паходзіць ад назвы царквы Санта-Эўлалія-дэ-Правенсана на каталонскай мове, якая выкарыстоўвалася пілігрымамі ў Сярэднявеччы. Горад захоўваў статус вёскі да XIX стагоддзя, але затым у ім былі пабудаваныя першыя тэкстыльныя фабрыкі, якія выклікалі рост насельніцтва, і 15 снежня 1925 года, кароль Альфонса XIII прысвоіў яму званне гораду. 1960-я і 1970-я гады выклікалі другі бум прыросту насельніцтва, за кошт іміграцыі сюды з бедных рэгіёнаў Іспаніі. У 1980-я і 1990-я гады горад пачаў істотна ператварацца і мадэрнізавацца ў культурным, эканамічным і сацыяльным значэнні.

Эканоміка

Горад мае рэпутацыю прадмесця, з-за свайго шматлікага ​​пралетарскага насельніцтва і залежнасці ад Барселоны. Тым не менш, яго эканамічнае становішча палепшылася ў апошні час, гэта значыць у Аспіталеце з’явілася некалькі штаб-кватэр кампаній. Напрыклад, у горадзе размешчана штаб-кватэра авіякампаніі Spanair[1].

Зноскі

1. ↑ Contacts Архівавана 24 верасня 2015.. Spanair.

Спасылкі

• На Вікісховішчы ёсць медыяфайлы па тэме Аспіталет-дэ-Льябрэгат
• Афіцыйны сайт Архівавана 19 верасня 2010.