Асцёр (горад)

У гэтага паняцця ёсць і іншыя значэнні, гл. Асцёр. Асцёр[1][2] (укр.: Остер) — горад у Казэлэцкім раёне Чарнігаўскай вобласці Украіны, на сутоках рэчак Дзясна і Асцёр. Насельніцтва 6524 чал. (2009).

Знаходзіцца за 43 км ад чыгуначнай станцыі Бобрык на лініі Кіеў — Бахмач. Прыстань.

Гісторыя

• 1098: першыя згадкі ў Аповесці мінулых часоў.
• ХII ст.: фартэцыя Пераяслаўскага княства, зваўся городцом Вострьским.
• 1240: пацярпеў ад набегу Арды.
• 1356: увайшоў у склад Вялікага Княства Літоўскага.
• 1471: у Кіеўскім ваяводстве.
• пач. ХVI ст.: перайшоў у валоданне віленскага ваяводы А. Гаштольда, які збудаваў у горадзе магутны замак і шэраг храмаў.
• 1569: згодна з умовамі Люблінскай уніі апынуўся ў Каралеўстве Польскім, цэнтр староства.
• 1635: у Чарнігаўскім ваяводстве.
• 1662: атрымаў Магдэбургскае права.
• 1667: згодна з Андросаўскім перамір’ем трапіў пад уладу Маскоўскай дзяржавы.
• 1802: у Чарнігаўскай губерні.
• 1803: цэнтр павета.

Насельніцтва

• 1896 — 4752 чал. (2362 мужчын і 2390 жанчын), з іх паводле стану: шляхты 89, ганаровых грамадзян і купцоў 167, духоўнага стану 21, мяшчан 3791, вайсковага стану 428, сялян 219, іншых станаў 37; паводле вызнання: праваслаўных 3580, раскольнікаў 62, каталікоў 25, пратэстантаў 14, іўдзеяў 1013, магаметан 18, іншых вызнанняў 40[3].
• 2009 — 6524 чал.

Памятныя мясціны

• Гарадзішча.
• Васкрасенская царква (1845—1857).
• Юр’ева бажніца (ХІ ст.).

Вядомыя ўраджэнцы і жыхары

• Анатоль Мікалаевіч Рэзнік, беларускі гісторык

Зноскі

1. ↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8. С. 234 — карта Чарнігаўскай вобласці
2. ↑ Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»
3. ↑ Остер, уездный город Черниговской губернии // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.

Літаратура

• Ostr // Słownik geograficzny Królestwa Polskiego i innych krajów słowiańskich. — Tom VII (Netrebka — Perepiat), 1886. — S. 667 (польск.)  S. 667—674
• Остер, уездный город Черниговской губернии // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.