Барда (Азербайджан)

У гэтага паняцця ёсць і іншыя значэнні, гл. Барда.

Барда (азерб.: Bərdə) — горад, цэнтр Бардзінскага раёна Азербайджана. Насельніцтва горада ў 1969 годзе складала 19,3 тысячы чалавек, у 2006 годзе — 37,9 тысяч. Горад размешчаны на Карабахскай раўніне за 260 км ад Баку, на рацэ Тэртэр. За некалькі кіламетраў ад горада знаходзіцца лінія спынення агню паміж Азербайджанам і непрызнанай Нагорна-Карабахскай Рэспублікай.

Славутасці

Нягледзячы на ​​частыя землятрусы, у Бардзе захаваўся шэраг сярэднявечных архітэктурных збудаванняў:

• Вежавы маўзалей Ахмеда Зочайбаны 1322 года з двума багата дэкараваныммі парталамі і ўзорным абліцоўваннем з простай і паліванай цэглы;
• Рэшткі другога маўзалея XIV стагоддзя (так званы Ахсадан-Баба). Размешчаны непадалёк ад вежавага маўзалея;
• Маўзалей-мячэць Імамзадэ з чатырма мінарэтамі, XVII — XIX стст.;
• Мячэць Угурбейлі.

Спасылкі

• На Вікісховішчы ёсць медыяфайлы па тэме Барда (Азербайджан)