Беларэцкі раён

Беларэ́цкі раён (руск.: Белорецкий район; башк.: Белорет районы) — адміністрацыйна-тэрытарыяльная адзінка на ўсходзе Башкартастана ў Расіі. Адміністрацыйным цэнтрам з’яўляецца горад Беларэцк.

Геаграфія

Беларэцкі раён мяжуе з Учалінскім, Абзялілаўскім, Бурзянскім, Ішымбайскім, Гафурыйскім і Архангельскім раёнамі, а таксама з Чалябінскай вобласцю. Акрамя таго, на тэрыторыі раёна размяшчаецца горад з асаблівым статусам Міжгор’е, які, аднак, у склад раёна не ўваходзіць, утвараючы асобную гарадскую акругу. Плошча раёна складае 11345,77 км², такім чынам ён з’яўляецца найвялікшым раёнам рэспублікі.

Гісторыя

Беларэцкі раён быў утвораны 20 жніўня 1930 года ў адпаведнасці з пастановай УЦВК.

Насельніцтва

Насельніцтва раёна станам на 2017 год складала 102143 чалавек. Паводле перапісу 2010 года большасць складаюць рускія (59,8 %), далей ідуць башкіры (30,8 %) і татары (6,8 %).

Зноскі

1. ↑ Russian census of 2010
2. ↑ Население Башкортостана:XIX-XXI века: статистический сборник. — 2008. — С. 448.

Спасылкі

• На Вікісховішчы ёсць медыяфайлы па тэме Беларэцкі раён
• Сайт раённай адміністрацыі (руск.)