Бэлз

Бэлз[1] (укр.: Белз) — горад раённага значэння ў Сакальскім раёне Львоўскай вобласці Украіны. Адзін з самых старажытных гарадоў Заходняй Украіны.

Геаграфія

Размешчаны на рэках Салакія і Рэчыца — прытоках Заходняга Буга басейна Балтыйскага мора, за 3 кіламетры ад украінска-польскай мяжы, за 12 км ад Чэрванаграда і 25 ад раённага цэнтра — Сакаля.

Гісторыя

Бэлз — адзін з самых старадаўніх гарадоў Заходняй Украіны, быў сталіцай Бэлзcкага княства. Пасля цэнтр Бэлзскага ваяводства ў складзе Рэчы Паспалітай. Адсюль адбываецца бэлзскі кірунак у хасідызме — містычнае адгалінаванне іўдаізму. Аднак цяпер гэта адзін з самых маленькіх гарадоў Украіны. Гістарычна Бэлз адносіўся да Галіцыі, у некаторай ступені і да Валыні. З 2001 года горад і яго наваколлі рашэннем Кабінета Міністраў Украіны сталі Дзяржаўным гісторыка-культурным запаведнікам.

Помнікі гісторыі і архітэктуры

• Касцёл св. Мікалая (РКЦ) і кляштар дамініканаў XVII ст.
• Царква св. Мікалая (УГКЦ), былы касцёл дамініканак.
• Царква св. Мікалая (УПЦ КП, былы касцёл Беззаганнага Зачацця Багародзіцы) і капліца св. Валянціна 1911 г.
• Драўляная царква св. Параскевы XVII стагоддзя. і званіца
• Капліца Снапкоўскіх, вядома як «Арыянская вежа», 1606 г.
• Ратуша XVII ст.
• Габрэйскі малітоўны дом 1909 г.
• Арыгінальная галіцкая драўляная забудова.

Зноскі

1. ↑ Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»