Білібінскі раён

Білі́бінскі раён — адміністрацыйны раён на захадзе Чукоцкай аўтаномнай акругі Расіі. Заснаваны ў 1930 годзе і да 1961 года называўся раён Усходняй Тундры. Цэнтр раёна першапачаткова размяшчаўся ў сяле Астраўное, затым быў пераведзены ў Анюйск, а ў 1961 годзе — у горадзе Білібіна. У 1970 годзе ў Білібіна была ўведзеная ў строй прыёмная станцыя сістэмы спадарожнікавай сувязі «Арбіта», якая ўпершыню забяспечыла прыём на Чукотцы перадач Цэнтральнага тэлебачання з Масквы.

Насельніцтва раёна складае 8215 чалавек. Усяго налічваецца 5 сельскіх населеных пунктаў (Анюйск, Ілірней, Амалон, Астраўное, Кепервеем), 1 горад (Білібіна) і 2 пасёлкі гарадскога тыпу — Аліскерава (3 жых.) і Сустрэчны (незаселены). У раёне пражываюць малыя народы Поўначы — чукчы, эвены, юкагіры.

Асноўныя галіны эканомікі — электраэнергетыка (Білібінская АЭС), здабыча золата, аленегадоўля. Аэрапорт.

Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх.

1. ↑ GEOnet Names Server — 2018.
2. ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service. Праверана 23 студзеня 2019.