Варна

У гэтага паняцця ёсць і іншыя значэнні, гл. Варна (значэнні). Варна (балг.: Варна) — трэці па велічыні горад Балгарыі, знаходзіцца на поўначы краіны, на чарнаморскім ўзбярэжжы, цэнтр аднайменнай абшчыны і вобласці. Насельніцтва — 351 809 жыхароў [2]. Марскі порт. Буйны культурны цэнтр з развітым марскім турызмам, у горадзе праводзяцца шматлікія фестывалі.

Геаграфія і клімат

Размешчаны на паўночна-заходнім беразе заліва Варны і паўночна-усходнім узбярэжжы возера Варна. У ваколіцах горада клімат спрыяе вырошчванню садавіны: яблыкаў, ківі і інш. Варна размешчана на Франгенскім плато, самы высокі пункт горада над узроўнем мора 356 метраў, у зімовы час горад абдуваюць моцныя вятры з поўначы. Клімат марскі, параўнальна мяккі ў цёплую палову года. Сярэдняя тэмпература студзеня 1,7 °C, ліпеня ў сярэднім 22,8 °C, сярэднегадавая 12,2 °C, абсалютны мінімум тэмпературы — мінус 24,3 °, абсалютны максімум + 41,4 °. Сярэдняя колькасць ападкаў 498 мм, з максімумам у чэрвені і лістападзе і мінімумам ў лютым.

Гісторыя

На месцы сённяшняга горада 580 г. да н.э. з’явілася грэчаская калонія Адэсас. Горад быў часткай Рымскай імперыі і Візантыі. У сёмым стагоддзі горад разбураны славянамі або аварамі.

Славяне заснавалі новы горад вакол старога, назваўшы яго Варна. Ён увайшоў у склад балгарскай дзяржавы. У 971 г. Візантыя вярнула горад, але страціла яго на карысць балгарскай дзяржавы У XIII і XIV ст, Варна была важным портам другога балгарскага царства, з яго экспартаваўся тавар ў Венецыю і Геную. У 1389 адышоў да турак, у 1399 разрабаваны татарамі з Залатой Арды.

10 лістапада 1444 каля горада адбылася бітва паміж венгерска-польскім войскам, пад камандаваннем Уладзіслава III Варненчыка з турэцкім войскам пад камандаваннем султана Мурада II. Бітва скончылася паражэннем хрысціянскага войска. У наступным, на працягу амаль 5 ст. горад стаў уладаннем Асманскай імперыі. Ад 1878 у складзе Балгарыі.

Насельніцтва і адміністрацыйнае дзяленне

Насельніцтва

Насельніцтва горада на студзень 2009 г. было 352 211 чалавек, па колькасці жыхароў горад займае трэцяе месца пасля Сафіі і Плоўдзіва [2]. Па дадзеных муніцыпальнай адміністрацыі, міністэрства ўнутраных спраў і шматлікіх сродкаў масавай інфармацыі, жыхароў, якія фактычна пражываюць у горадзе значна больш, чым афіцыйна абвешчана.

Раёны і кварталы

Паводле Закона аб тэрытарыяльным дзяленні сталіцы і буйных гарадоў[3], тэрыторыя Варны дзеліцца на 5 раёнаў:

Рэлігія

У горадзе і раёне мноства храмаў - як балгарскіх праваслаўных, так і іншых рэлігій, шырока распаўсюджаных у Балгарыі - армянскія праваслаўныя, евангелістскія, адвентыскія, каталіцкія храмы, мусульманскія мячэці і будыскія цэнтры.

У Варне 14 праваслаўных храмаў. Сярод самых вядомых праваслаўных цэркваў у горадзе з’яўляюцца: кафедральны сабор Святой Багародзіцы, царква Святога Мікалая, а таксама царква Святой Параскве.

Адукацыя

Варна з’яўляецца важным адукацыйным цэнтрам у краіне, у горадзе атрымліваюць адукацыю каля 30 тыс. студэнтаў.

У горадзе знаходзяцца наступныя ўніверсітэты:

• Вышэйшае ваенамарское вучылішча ў Варне
• Эканамічны ўніверсітэт у Варне
• Медыцынскі ўніверсітэт імя прафесара Параскева Стаянава
• Тэхнічны ўніверсітэт у Варне
• Варненскі вольны ўніверсітэт імя Чарнарызца Храбра
• Тэхнічны каледж у Варне
• Медыцынскі каледж у Варне
• Коледж турызму ў Варне

Сярэдняя адукацыя надаецца ў розных навучальных установах:натуральных школах, мастацкіх, прафесійных, спартыўных і агульнаадукацыйных школах.

Гл. таксама

• Бітва пад Варнай
• Гарады Балгарыі

Зноскі

1. ↑ https://www.bgpost.bg/en/17?scode=varna
2. 1 2 ГРАО, Таблица на населението на населените места в България към 15.12.2008 г.
3. ↑ http://lex.bg/laws/ldoc.php?IDNA=2133624321

Спасылкі

• Афіцыйная старонка
• Тырыстычная старонка Архівавана 3 ліпеня 2008.