Вітэнберг

У гэтага паняцця ёсць і іншыя значэнні, гл. Вітэнберг (значэнні).

Вітэнберг (Лютэрштат) (ням.: Lutherstadt Wittenberg) — акруговы горад (ням. Kreisstadt) у Германіі, Саксонія-Ангальт, на рацэ Эльба. Размешчаны ў 100 км ад Берліна, і ў 70 км ад Лейпцыга. У 16 м стагоддзі з’яўляўся буйным цэнтрам культурнага і палітычнага жыцця Германіі, адыграў прыкметную ролю ў пачатку Рэфармацыі, з’яўляўся месцам дзейнасці Марціна Лютэра, Філіпа Меланхтана і Лукаса Кранаха, а таксама сям’і вядомых сярэднявечных юрыстаў Карпцовых. Мясцовыя славутасці Лютэрхаус, Меланхтанхаус і Замкавая царква (ням. Schlosskirche) ўнесены ў спіс сусветнай культурнай спадчыны ЮНЕСКА. З’яўляўся цэнтрам княства Саксон-Вітэнбергскага, у 16-м стагоддзі ў Вітэнбергу знаходзілася рэзідэнцыя курфюрста Саксонскага.

49,2 тыс. жыхароў (1991).

Хімічная, гумовая, электратэхнічная прамысловасць. Універсітэт. Упершыню згадваецца ў 1180.

Клімат

Сярэднегадовая тэмпература +8,7 градусаў Цэльсія. Студзень −0,8, красавік +7,9, чэрвень +16,6, верасень +14, снежань +0,8.

Ападкі 563 мм.

Насельніцтва

Гарады-пабрацімы

• Гётынген, Германія, з 1988
• Брэтэн, Германія, з 1990
• Спрынгфілд, Агая, ЗША, з 1995
• Бекешчаба, Венгрыя, з 1999
• Хадэрслеў, Данія, з 2004.

Вядомыя асобы

• Лукас Кранах Малодшы (1515—1586) — нямецкі жывапісец

Спасылкі

• На Вікісховішчы ёсць медыяфайлы па тэме Вітэнберг