Екабпілс

Екабпілс (лат.: Jēkabpils (i), ням.: Jakobstadt, латг.: Jākubmīsts) — горад у Латвіі, знаходзіцца прыкладна за 90 км ад Даўгаўпілса. Размешчаны на абодвух берагах Даўгавы, злучаных мостам; гістарычна рака дзяліла сучасны горад на два — Якабштат і Крэйцбург (Крустпілс). Насельніцтва Екабпілса складае 26 тысяч жыхароў. Даліна ракі з пратокамі і астравамі стварае маляўнічы краявід.

Гісторыя

На месцы Екабпілса існавала паселішча латгалаў, у 1237 годзе Лівонскі ордэн пабудаваў тут каменны «Крыжовы замак» — ням. Крэйцбург. Археалагічныя раскопкі вакол замка сведчаць пра даволі шматлюднае гандлёвае паселішча побач, якое часта руйнавалася падчас войнаў, асабліва польска-шведскіх, але кожны раз аднаўлялася.

Існуе меркаванне, што менавіта ў Якабштаце ў 1683 годзе нарадзілася Марта Скаўронская — пазней жонка Пятра I Кацярына I.

Вядомыя асобы

• Ота Скулме (1889—1967) — жывапісец.
• Уладзімір Казіміравіч Стукаліч (1856—1918) — літаратуразнавец, гісторык, юрыст.

Зноскі

1. ↑ «Latvijas iedzīvotāju skaits pašvaldībās pagastu dalījumā» (лат.)
2. ↑ Паштовыя індэксы Латвіі — 04/2011 (лат.)
3. ↑ Лічбавы ідэнтыфікатары Латвіі — 16.02.2011 (лат.)

Спасылкі

• На Вікісховішчы ёсць медыяфайлы па тэме Екабпілс
• Сайт Екабпілса
• Latvijas iedzīvotāju skaits pašvaldībās 01.01.2012 (лат.)