Еўле

Еўле (шведск.: Gävle) — горад на ўсходзе цэнтральнай Швецыі, на беразе Батнічнага заліва Балтыйскага мора. Насельніцтва — 93509 (2009). Цэнтр муніцыпалітэта Еўле (92416 жыхароў) і лена Еўлеборг (275.908 жыхароў).

Размешчаны пры ўпадзенні ракі Геўлеан у Еўлеўскую бухту Батнічнага заліва. У 15 км на паўднёвы ўсход ад Еўле знаходзіцца вусце ракі Далэльвен. Насельніцтва горада складае 71 033 чалавекі (2010).

Гісторыя

Упершыню Еўле згадваецца ў 1413 годзе. У 1446 атрымаў гарадскія прывілеі ад Крыстафера Баварскага. Еўле служыў партовым горадам для прамысловага раёна Бергслаген. Падчас Вялікай Паўночнай вайны, у 1719 годзе, Еўле здолеў пазбегнуць лёсу іншых усходняшведскіх гарадоў, а менавіта — быць спаленым і разрабаваным рускімі, бо абаронцы гораду адбілі некалькі расійскіх атак. У XVIII стагоддзі горад меў станоўчае эканамічнае развіццё. У 1792 у мясцовым замку кароль Густаў III склікаў апошні раз у сваім жыцці рыксдаг. У XIX стагоддзі Еўле быў важным прамысловым цэнтрам, але пачынаючы з XX стагоддзя паступова страціў сваё значэнне.

Славутасці

• Замак Еўле (першапачаткова заснаваны ў 1583)
• Царква Святой Тройцы (1654)
• Квартал Стары Еўле
• Музей лена Еўлеборг
• Шведскі чыгуначны музей
• Тэатр Еўле (пабудаваны ў 1878)
• Еўлеўскі казёл — вялізная саламяная фігура Каляднага казла, якую з 1966 штогод усталёўваюць на Замкавай плошчы. Вядомасць набыў дзякуючы таму, што казла амаль штогод спальваюць вандалы, нягледзячы на спробы ўладаў захаваць фігуру.

Спорт

У горадзе размяшчаецца футбольны клуб Ефле Еўле.

Гарады-пабрацімы

• Іст-Лондан, ПАР
• Кельцы, Польшча
• Юрмала, Латвія

Галерэя

Спасылкі

• На Вікісховішчы ёсць медыяфайлы па тэме Еўле
• Афіцыйны сайт горада
• Музей чыгунак у Еўле