Жалезнагорск (Курская вобласць)

У гэтага паняцця ёсць і іншыя значэнні, гл. Жалезнагорск.

Жалезнагорск (руск.: Железногорск) — горад (з 1962 года) у Расіі, адміністрацыйны цэнтр Жалезнагорскага раёна Курскай вобласці. Насельніцтва 96,2 тыс. чалавек (2007). Заснаваны ў 1957 годзе.

Горад размешчаны на заходняй ускраіне Сярэднярускага ўзвышша, за 90 км на паўночны захад ад Курска, на мяжы з Арлоўскай вобласцю, ля чыгуначнай станцыі Міхайлаўскі Руднік на галінцы Арол — Льгоў.

Заснаваны ў 1957 у сувязі з засваеннем Міхайлаўскага радовішча жалезных руд Курскай магнітнай анамаліі. 2 кастрычніка 1957 пачалося будаўніцтва зборношчытавых дамоў пасёлка. У 1962 года пасёлку быў прысвоены статус горада, на той момант у ім пражывала 9,1 тыс.чалавек.

Горадаўтваральнае прадпрыемства — Міхайлаўскі горнаўзбагачальны камбінат. Ён фарміруе 70 % гарадскога бюджэту на ім працуе 30 % насельніцтва горада. З’яўляецца другім у Расіі па аб’ёме вытворчасці жалезаруднай сыравіны. Таксама працуе малочны завод, вытворчасць будматэрыялаў, завод «Крышталь» і інш.