Курск

Курск (руск.: Курск) — горад (з 1779 года) у Расіі, адміністрацыйны цэнтр Курскай вобласці. Насельніцтва 406,4 тыс. чалавек (2005). Размешчаны на берагах р. Сейм і яго прытоку р. Тускар.

Гісторыя

Заснаваны ў 10 ст., упершыню згадваецца пад 1032 годам (патэрык Пячэрскі) і 1095 годам (Лаўрэнцеўскі летапіс). Быў крэпасцю Кіеўскай Русі. Падчас татара-монггольского нашэсця ў 1238 годзе быў разбураны, у 14 ст. захоплены войскамі ВКЛ. У 1508 годзе ўвайшоў у склад Рускай дзяржавы. З канца 16 ст. Курская крэпасць была адным з апорных пунктаў абароны ад крымскіх татар. У 1648 годзе ў Курску адбылося буйное паўстанне. У 18 ст. страціў ваеннае значэнне, стаў гандлёвым горадам. З 1780 года — цэнтр намесніцтва, з 1797 года — губернскі горад. З 13 чэрвеня 1934 года — абласны цэнтр. З 3 лістапада 1941 па 8 лютага 1943 быў акупаваны нямецкімі войскамі.

Адукацыя і культура

• Курскі дзяржаўны медыцынскі ўніверсітэт

Вядомыя ўраджэнцы і жыхары

• Барыс Сяргеевіч Косціч (нар. 1951) — беларускі архітэктар.
• Альберт Паўловіч (1875—1951) — беларускі паэт-гумарыст.
• Аляксандр Уладзіміравіч Паветкін (нар. 1979) — баксёр.
• Мікалай Мікалаевіч Сідарэнка (1905—1980) — паэт і перакладчык.
• Вера Міхайлаўна Слабадзянюк (нар. 1938) — беларуская спартсменка (парашутны спорт).
• Уладзімір Іванавіч Слаўкоў (1926—1995) — беларускі акцёр.
• Алег Конанаў (нар. 1966) — футбольны трэнер.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.

Зноскі

1. ↑ http://www.kurskadmin.ru/content/biografiya
2. ↑ http://www.kurskadmin.ru/node/810
3. ↑ Города с численностью постоянного населения от 250 тыс. до 500 тыс. человек

Спасылкі

• На Вікісховішчы ёсць медыяфайлы па тэме Курск
• Афіцыйны сайт адміністрацыі Курска (руск.)