Кам’янскэ

Кам’янскэ[2] (укр.: Кам’янське), у 1936—2016 гадах — Днепрадзяржы́нск[2] (укр.: Дніпродзержинськ) — горад ва Украіне, у Днепрапятроўскай вобласці. Вядомы з 1750 года. Порт на рацэ Дняпро. Чыгуначная станцыя. Чорная металургія, хімічная прамысловасць, машынабудаванне (вагонабудаванне, вытворчасць кацельнага абсталявання), энергетычная, лёгкая, харчовая прамысловасць. ТЭЦ. ГЭС. Днепрадзяржынскі дзяржаўны тэхнічны ўніверсітэт. Музей гісторыі горада.

У 1979 годзе недалёка ад горада адбылася авіякатастрофа.

19 мая 2016 года Вярхоўная Рада Украіны ў рамках дэкамунізацыі прыняла пастанову аб перайменаванні Днепрадзяржынска ў Кам’янскэ[3].

Гарады-пабрацімы

• Бабруйск, Беларусь
• Кельцы, Польшча
• Тэміртау, Казахстан
• Дрэздэн, Германія
• Каменск-Уральскі, Расія.

Адукацыя і навука

• Дняпроўскі дзяржаўны тэхнічны ўніверсітэт

Вядомыя асобы

• Лідзія Міхайлаўна Кукраш (нар. 1934) — беларускі вучоны ў галіне сельскай гаспадаркі.
• Віктар Савельевіч Саенка (нар. 1937) — беларускі архітэктар.
• Георгій Канстанцінавіч Нацэўскі (1931—2003) — беларускі педагог, Заслужаны настаўнік БССР.

Зноскі

1. ↑ Дзяржаўны камітэт статыстыкі Украіны. Зборнік: Колькасць наяўнага насельніцтва Украіны на 1 студзеня 2014. Кіеў 2014.
2. 1 2 Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»
3. ↑ Пастанова Вярхоўнай Рады Украіны ад 19 мая 2016 года № 1377-VIII «Аб перайменаванні асобных населеных пунктаў і раёнаў»

Літаратура

• Днепрадзяржынск // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава. — 576 с. — 10 000 экз. — ISBN 985-11-0106-0 (т. 6), ISBN 985-11-0035-8.

Спасылкі

• На Вікісховішчы ёсць медыяфайлы па тэме Кам’янскэ
• Афіцыйны сайт Днепрадзяржынскага гарсавета (укр.)