Лондан (Канада)
У гэтага паняцця ёсць і іншыя значэнні, гл. Лондан (значэнні).
Лондан (англ.: London) — горад у Канадзе, размешчаны на паўднёвым-захадзе правінцыі Антарыа ўздоўж Квебек-Віндсарскага калідора. Лондан знаходзіцца на развілцы несуднаходнай ракі Тэмзы, прыкладна на паўдарогі паміж Таронта і Дэтройтам, што знаходзіцца ў амерыканскім штаце Мічыган. Лонданскі Сіці з’яўляецца асобным муніцыпалітэтам, палітычна адасобленым ад графства Мідлсекс.
Лондан быў заснаваны еўрапейцамі паміж 1801 і 1804 гадамі Петэрам Хэгерманам[2] і стала адной з вёсак у 1826 годзе. З тых часоў, Лондан значна пашырыўся ў найбуйнейшы муніцыпалітэт Паўднёва-Заходняга Антарыа, стаўшыся 15-м паводле велічыні муніцыпалітэтам Канады, далучыўшы многія з невялікіх навакольных населеных пунктаў, якія атачалі яго. У горадзе актыўна развіваюцца такія галіны, як адукацыя, ахова здароўя, турызм і вытворчасць.
Гісторыя
На месцы горада ў Сярэднявеччы размяшчалася некалькі індзейскіх паселішчаў. Археалагічныя раскопкі пацвярджаюць, што людзі тут жылі ў апошнія 10 тысяч гадоў. У 1793 годзе генерал-лейтэнант Джон Грэйвс Сімка абраў гэта месца як будучую сталіцу Верхняй Канады, якую ён меў намер назваць Джарджына, у гонар караля Георга III. Але губернатар Карлтан палічыў будаўніцтва сталіцы пасярод густых лясоў немэтазгодным.
Упершыню Лондан быў заселены еўрапейцамі ў 1801—1804 гадах, а ў 1826 годзе стаў вёскай. У 1845 годзе буйны пажар знішчыў вялікую частку паселішча, аднак у 1855 годзе ў горадзе ўжо пражывала больш за 10 тысяч чалавек, і Лондан, атрымаў статус горада. Пасля Лондан разросся, паглынаючы суседнія гарады, і ператварыўся ў самы буйны населены пункт паўднёва-заходняга Антарыа.
У мінулым для таго, каб патрапіць у Лондан, ізаляваны ад больш населенай частцы правінцыі, трэба было прайсці праз густы лес, за што Лондан, атрымаў мянушку «Ляснога горада».
Насельніцтва
Насельніцтва складаецца на 48,2 % з мужчын і на 51,8 % — з жанчын. Большасць насельніцтва складаюць нашчадкі выхадцаў з Брытанскіх астравоў, далей ідуць немцы, франкаканадцы, галандцы, італьянцы, палякі, партугальцы, украінцы, індзейцы.
Клімат
| Клімат Лондана | |||||||||||||
|---|---|---|---|---|---|---|---|---|---|---|---|---|---|
| Паказчык | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | Год |
| Абсалютны максімум, °C | 16,7 | 17,8 | 24,8 | 29,4 | 32,4 | 38,2 | 36,7 | 37,0 | 34,4 | 30,0 | 24,4 | 18,5 | 38,2 |
| Сярэдні максімум, °C | −2,4 | −1,4 | 4,2 | 11,6 | 19,0 | 23,8 | 26,3 | 25,2 | 20,9 | 14,0 | 6,9 | 0,6 | 12,4 |
| Сярэдняя тэмпература, °C | −6,3 | −5,5 | −0,3 | 6,3 | 13,0 | 18,0 | 20,5 | 19,5 | 15,3 | 9,0 | 3,1 | −3 | 7,5 |
| Сярэдні мінімум, °C | −10,1 | −9,7 | −4,7 | 1,0 | 7,0 | 12,1 | 14,6 | 13,7 | 9,6 | 4,0 | −0,7 | −6,5 | 2,5 |
| Абсалютны мінімум, °C | −31,7 | −29,5 | −24,8 | −12,2 | −5 | −0,6 | 5,0 | 1,5 | −3,3 | −11,1 | −18,3 | −26,9 | −31,7 |
| Норма ападкаў, мм | 74,2 | 60,0 | 78,4 | 82,2 | 82,9 | 86,8 | 82,2 | 85,3 | 97,7 | 77,6 | 91,1 | 88,6 | 987,1 |
| Крыніца: Environment Canada | |||||||||||||
Эканоміка
Эканоміка Лондана развіваецца за кошт вытворчасці лакаматываў, бранятэхнікі, страхавання і інфармацыйных тэхналогій.
Горад-пабрацім
Зноскі
- ↑ “London (City) community profile”. 2011 Census data. Statistics Canada.
- ↑ St-Denis, Guy (1985). Byron:Pioneer Days in Westminster Township. Crinklaw Press. pp. 21-22. ISBN 0-919939-10-4.
Спасылкі
На Вікісховішчы ёсць медыяфайлы па тэме Лондан (Канада)- Афіцыйны сайт
Катэгорыя·Населеныя пункты паводле алфавіта
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.