Мо (Францыя)

Мо (фр.: Meaux) — горад і камуна ў французскім дэпартаменце Сена і Марна, на рацэ Марна, на паўночны ўсход ад Парыжа. Насельніцтва 53 766 жыхароў (2013).

Гісторыя

У антычнасці Мо называўся спачатку Iantinum (Jantinum), затым Civitas meldorum або Meldi[7] (па назве мельдаў — гальскага племя). З IV ст. рэзідэнцыя біскупа. Уладанне графаў Шампанскіх з 923 па 1361 год.

У жніўні 1358 года пад сценамі горада атрад графа Гастона дэ Фуа і Жана дэ Граі, капталя дэ Бюш, знішчыў паўсталых «жакаў» і парыжан, якія далучыліся да іх, выратаваўшы ад іх герцагінь Жанну Нармандскую і Бланку Арлеанскую.

Одзін з першых ачагоў руху гугенотаў (у 1567 годзе прынц Кандэ ледзь не захапіў тут караля Францыі), многія з якіх былі знішчаны ў Варфаламееўскую ноч. Радзіма і асноўны цэнтр вытворчасці сыру бры.

Славутасці

• Познегатычны сабор, які ўвесь час патрабуе рэстаўрацыі;
• Палац біскупаў (XII—XVII стст.), пераўтвораны ў музей самага знакамітага з іх — Басюэ («арол з Мо»); надмагілле апошняга і некалькі помнікаў яму.
• Музей Вялікай (Першай сусветнай) вайны 1914—1918 гадоў у правінцыі Мо быў адкрыты 11 лістапада 2011 года.

Вядомыя асобы

• Даніэль Чэкальдзі[fr] (1927—2003) — французскі акцёр тэатра і кіно, рэжысёр, сцэнарыст. У горадзе Мо імем Даніэля Чэкальдзі названы сквер.

Зноскі

1. ↑ https://www.insee.fr/fr/information/3363419
2. ↑ French National Directory of Representatives Праверана 15 сакавіка 2019.
3. ↑ база дадзеных аб французскіх камунах — Institut national de l’information géographique et forestière. Праверана 26 кастрычніка 2015.
4. ↑ Sandre
5. ↑ Populations légales 2018 — Нацыянальны інстытут статыстыкі і эканамічных даследаванняў Францыі, 2020.
6. ↑ Base officielle des codes postaux — La Poste, 2018.
7. ↑ Lateinisch-deutsches Taschenwörterbuch der neuern Geographie — Friedrich Adolf Ebert

Спасылкі

• На Вікісховішчы ёсць медыяфайлы па тэме Мо (Францыя)