Мурманск

Му́рманск — горад у Расіi, цэнтр Мурманскай вобласці, горад-герой. Насельніцтва (2005) — 320.9 тыс. жыхароў, гэта найбуйнейшы горад у свеце на поўнач ад палярнага круга. Мурманск — вялікі порт на ўзбярэжжы Баранцава мора, зімою не замярзае.

У горадзе знаходзіцца аддзяленне беларускага пасольства.

Гісторыя

Заснаваны 21 верасня 1916 года ў сувязі са стварэннем марскога порта ў Кольскім заліве. У сакавіку 1918 — лютым 1920 года быў акупаваны войскамі Антанты і белагвардзейцамі. 7 сакавіка 1920 года ў Мурманск увайшлі часткі Чырвонай Арміі. З 1921 года — цэнтр Мурманскай губерні, з 1927 года — Мурманскай акругі Ленінградскай вобласці, з 1938 года абласны цэнтр. У час Вялікай Айчыннай вайны Мурманскі порт сыграў вялікую ролю ў забеспячэнні СССР і арміі, бо праз яго ішлі грузы, якія паступалі з краін-саюзніц па барацьбе з нацысцкай Германіяй.

Эканоміка

Галоўныя галіны прамысловасці — рыбная і рыбаперапрацоўчая, суднарамонтная, вытворчасць будматэрыялаў.

Вядомыя асобы

• Алена Беркава
• Сяргей Курохін, расійскі музыкант
• Аляксандр Аляксандравіч Сурыкаў, расійскі дзяржаўны дзеяч
• Людміла Георгіеўна Сядых (нар. 1945) — беларускі архітэктар.
• Сямён Смунёў (нар. 1995) — беларускі футбаліст.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.

Спасылкі

• На Вікісховішчы ёсць медыяфайлы па тэме Мурманск
• Аддзяленне беларускага пасольства Архівавана 24 жніўня 2007.

Зноскі

1. ↑ З іх 9 % — акваторыя Кольскага заліва, 43 % — гарадскія лесу, 0,5 % — зялёныя насаджэнні агульнага карыстання.
2. ↑ Паспорт города