Новы Калыніў

Новы Калыніў (укр.: Нови́й Кали́нів) — горад раённага значэння ў Самбарскім раёне Львоўскай вобласці Украіны.

Насельніцтва — 3582 чал. (перапіс 2001 г.). Заснаваны ў сярэдзіне XX ст. як ваенны гарадок для ваеннаслужачых авіяцыйнай часткі і членаў іх сем’яў. Паблізу ад яго размешчаны буйны ваенны аэрадром. Статус населенага пункта і пасёлка гарадскога тыпу з 2000 г. Статус горада з 2005 г.

Сімволіка

Герб тэрытарыяльнай абшчыны уяўляе сабой геральдычны шчыт (чатырохвугольны, закруглены ўніз). У сінім полі намалявана геральдычнае вастрыё срэбнага колеру з гронкай чырвонай каліны з зялёным лістом, з абодвух бакоў — па залатым мячы з крылом, павернутым уверх. Гронка каліны паказвае на назву горада, а крылатыя мячы сімвалізуюць ваенныя авіяцыйныя часткі, якія тут размешчаныя. Герб, згодна з правіламі сучаснага ўкраінскага мясцовага гербаўтворання, ўпісаны ў дэкаратыўны картуш, увянчаны срэбнай гарадской каронай, што сведчыць аб статусе паселішчы.

Сцяг тэрытарыяльнай абшчыны ўяўляе сабой прамавугольнае палотнішча, з ніжніх кутоў да сярэдзіны верхняга краю ідзе белы клін, на якім чырвоная гронка каліны з зялёным лістком, па баках на сінім фоне па жоўтым мячы з крылом, звернутым вастрыём ўверх.

Гісторыя

У канцы 1930 х гг. было пачата будаўніцтва аэрадрома, але разгарэлася Другая сусветная вайна і працы былі прыпыненыя. Пасля вайны непадалёк аэрадрома былі насаджаныя таполі, якія асушылі забалочаныя мясцовасці, дзе з часам былі пабудаваныя першыя збудаванні ваеннага прызначэння: казармы, сталовая, сховішча для тэхнікі. Гэта было ў 1951 г., а ўжо ў 1952 г. пачалося інтэнсіўнае будаўніцтва жылога масіва — 110 фінскіх дамоў, трохпавярховага дома для кіруючага складу, інтэрната і 10 збудаванняў ваеннага прызначэння. Так паступова паселішча пашырала свае межы. Насельніцтва таксама штогод павялічвалася. У цэнтры ваеннага гарадка быў узведзены Дом афіцэраў, дзе зараз знаходзіцца Народны дом і орган мясцовага самакіравання — гарадскі савет, а ад яго разыходзіліся вулачкі. Разам з Домам афіцэраў у 1956 г. была пабудавана санітарная частка, штаб, аддзяленне сувязі, кацельня, воданапорная вежа, вадагонная станцыя, крамы. У жніўні 1960 г. на Навакалыніўскім аэрадроме дыслакаваўся 340 асобны Брэслаўскі транспартна-баявы верталётны полк. Пазней, пры незалежнай Украіне, быў перайменаваны ў 7 асобны Брэслаўскі полк, які знаходзіцца на тэрыторыі Новага Калыніва і па сёння. У лістападзе 2000 г. ў горадзе адкрылася сярэдняя агульнаадукацыйная школа, пры школе дзейнічае дзіцячы садок «Каліна».

Сучаснасць

У горадзе працуе Новакалыніўскі НВК і дзіцячы сад. Збудавана Царква святога Уладзіміра. Таксама ёсць супермаркет «Рукавічка», аддзяленне ПрыватБанку, аддзяленне Ашчадбанку, магазін электратэхнікі «Сірыус», магазін «Адрыяна», «Алёнка», «Жанетта», «Лілія», «Канцылярскія тавары» і іншыя крамы. Ёсць таксама начны клуб «Атлантык» і рэстаран «Замак Тампліера». Ёсць футбольны клуб «Авіятар». З 2012 г. у памяшканні гарадскога савета адкрыты «Цэнтр замежных моў», дзе можна вывучыць і ўдасканаліць англійскую мову.

13 кастрычніка 2015 г. ў Новым Калыніве адбылося адкрыццё і асвячэнне помніка палеглым ваеннаслужачым ВС Украіны, які размешчаны на тэрыторыі мемарыяльнага комплексу «Загінуўшым воінам — афганцам, чарнобыльцам і воінам-міратворцам». 14 кастрычніка 2016 г. адкрыта і асвечана мемарыяльная дошка Федарэнку Івану Уладзіміравічу, які загінуў у баі 18 мая 2015 г. у Чырвонаармейску Данецкай вобласці.

1. ↑ http://database.ukrcensus.gov.ua/PXWEB2007/ukr/publ_new1/2021/zb_chuselnist%202021.pdf