Нук
Нук (Ну́ўк, дацк.: Nuuk, грэнл.: Nuuk), або Го́тхаб (дацк.: Godthåb) — горад, адміністрацыйны цэнтр самакіруемай тэрыторыі Грэнландыя (у складзе Каралеўства Даніі), а таксама аднайменнага муніцыпалітэта Заходняй Грэнландыі. Да 1979 афіцыйна выкарыстоўвалася назва Готхаб.
Гісторыя
Горад заснаваны ў 1728 годзе нарвежскім місіянерам Хансам Эгедэ (Hans Egede), аднак паселішчы на яго месцы існавалі і да гэтага, самае старое з вядомых — 4 200 гадоў назад. З IX па XV стагоддзе ў той мясцовасці жылі скандынаўскія каланісты, якія пасля пакінулі паселішча. Там таксама было летняе месца сустрэчы эскімосаў, якія жылі ў той вобласці. Эгедэ прыбыў туды ў 1721 годзе з мэтай звароту ў хрысціянства 12 эскімоскіх сем’яў, якія жылі там. Ён даў гораду назву Готхаб (Godthåb), што ў перакладзе з дацкай мовы азначае «добрая надзея». З 1733 года тут былі місіянерамі Хернхуцкія браты, якія заснавалі місію Новы Хернхут. Сёння ў царкве размешчаны ўніверсітэт і мясцовы архіў. З 1979 года, калі была абвешчана аўтаномія Грэнландыі, горад афіцыйна носіць эскімоскае імя Нук, у тым ліку і на дацкай мове.
Клімат
Клімат субарктычны. З-за блізкасці Бафінава заліва і цёплага цячэння перапад тэмператур адносна невялікі. Большай часткай года стаіць мінусовая тэмпература, сярэдняя тэмпература найбольш халодных месяцаў −8 °C. Сярэдняя тэмпература ліпеня +6,5 °C.
| Клімат Нука | |||||||||||||
|---|---|---|---|---|---|---|---|---|---|---|---|---|---|
| Паказчык | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | Год |
| Абсалютны максімум, °C | 12,9 | 13 | 13,4 | 13 | 18,3 | 21,5 | 26,3 | 22 | 22,8 | 18,9 | 16,3 | 13,2 | 26,3 |
| Сярэдні максімум, °C | −5,5 | −6,2 | −5,3 | −0,9 | 3,6 | 8,2 | 10,9 | 9,9 | 6,5 | 1,9 | −1,2 | −3,3 | 1,6 |
| Сярэдняя тэмпература, °C | −8 | −9 | −8,1 | −3,7 | 0,6 | 4,1 | 6,5 | 6,3 | 3,7 | −0,3 | −3,4 | −6 | −1,4 |
| Сярэдні мінімум, °C | −10,2 | −11,4 | −10,3 | −5,4 | −1,1 | 2,1 | 4,2 | 4,3 | 2,1 | −1,8 | −5,2 | −7,8 | −3,4 |
| Абсалютны мінімум, °C | −32,5 | −28,5 | −27,5 | −20 | −15 | −4 | −3,1 | −2,5 | −6,5 | −16,6 | −23 | −22,8 | −32,5 |
| Норма ападкаў, мм | 39 | 47 | 50 | 46 | 55 | 62 | 82 | 89 | 88 | 70 | 74 | 34 | 736 |
| Тэмпература вады, °C | 0 | 0 | 0 | 1 | 1 | 3 | 4 | 4 | 3 | 2 | 1 | 0 | 2 |
| Крыніца: Надвор'е і Клімат, World Climate Guide | |||||||||||||
Гарады-пабрацімы
Вантаа, Фінляндыя
Куксхафен, Ніжняя Саксонія, Германія
Ольбарг, Данія
Рэйк’явік, Ісландыя
Ушуая, Аргенціна
Гл. таксама
Літаратура
- Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.
Спасылкі
На Вікісховішчы ёсць медыяфайлы па тэме Нук
Катэгорыя·Населеныя пункты Ігналінскага раёна Катэгорыя·Населеныя пункты без насельніцтва Катэгорыя·Населеныя пункты без паштовага індэкса Катэгорыя·Населеныя пункты паводле алфавіта Катэгорыя·Раёны Іркуцкай вобласці
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.