Прыекуле (Літва)

Прыекуле (літ.: Priekulė, традыцыйная беларуская назва — Прэ́куле) — горад у заходняй Літве, знаходзіцца ў Клайпедскім раёне Клайпедскага павета, за 20 кіламетраў ад Клайпеды. Колькасць насельніцтва складае 1,7 тыс. чалавек. Горад знаходзіцца ў этнаграфічным рэгіёне Малая Літва. Праз горад цячэ рака Мінія. Прэкуле з’яўляецца чыгуначнай станцыяй на лініі Клайпеда — Савецк[1].

Гісторыя

Назва Прэкуле ўпершыню ўзгадваецца ў першай палове ХVI стагоддзя. Пачаткова паселішча мела назву Памінія (на рацэ Мінія), і гэта была малая вёска з трыма гаспадаркамі. У 1511 годзе тут адкрылася карчма «zur Minnige». У 1540 годзе яе набыў Лукас Прэкал. Ад яго фаміліі, пайшла і новая назва паселішча «Прэкола» ці «Прэкуле», якая ўпершыню з’явілася на карце ў 1548 годзе. У 1587 годзе ў паселішчы быў пабудаваны касцёл.

У 1609 годзе, падчас вайны Рэчы Паспалітай са Швецыяй 1600—1611 гадоў паселішча было спаленае польска-літоўскімі войскамі. У 1688 годзе быў пабудаваны новы касцёл.

У 1905 годзе, паселішча знаходзілася ў складзе Прусіі, якое цяпер мела назву «Prökuls», мела 500 дамоў і было заселенае пераважна лютэранамі. Перад Другой сусветнай вайной у паселішчы жыло каля 1200 чалавек.

Пасля 1921 года Прыекуле апынулася ў складзе Літвы. Статус горада Прыекуле атрымала ў 1948 годзе.

Насельніцтва

Славутасці

• Касцёл Святога Антонія Падуанскага, пабудаваны ў 1938 годзе.
• Іпадром.

Зноскі

1. ↑ Большая советская энциклопедия, 3-е изд.: в 30 т. / Гл. ред. А.М. Прохоров. — М.: Сов. энциклопедия, 1969—1978.

Спасылкі

• На Вікісховішчы ёсць медыяфайлы па тэме Прыекуле (Літва)