Пяцігорск

Пяцігорск (руск.: Пятигорск) — горад (з 1830 года) у Расіі, у складзе Стаўрапольскага края. Насельніцтва 139,7 тыс. чалавек (2005). Заснаваны ў 1780 годзе.

Горад-курорт размешчаны раёне Каўказскіх Мінеральных Вод, пераважна на левым беразе ракі Падкумак. Сярод іншых курортаў Каўказскіх Мінеральных Вод Пяцігорск мае найбольш разнастайныя прыродныя лячэбныя рэсурсы. Ёсць звыш 40 крыніц мінеральных вод, якія адрозніваюцца па хімічным складзе і тэмпературы вады; некаторыя з іх радонавыя. З размешчанага каля Пяцігорска Тамбуканскага возера здабываюць высокакаштоўную ў тэрапеўтычным дачыненні сульфідны глей. Спрыяльныя кліматычныя ўмовы летам і ў пачатку восені дазваляюць выкарыстаць іх для клімататэрапіі.

Вышыня над узроўнем мора — каля 600 метраў. Вышэйшы пункт у ваколіцах горада — вяршыня гары Бештау — 1401 м. Таксама ў межах горада размешчаны вяршыні гор: Машук, Гарачая, Пост, Пікет, Казачка і інш.

Дзейнічаюць больш за два дзесяткі санаторна-курортных устаноў. Прамысловасць Пяцігорска арыентавана пераважна на абслугоўванне запатрабаванняў курорта. Прадпрыемствы харчасмакава прамысловасці: мясны, вінны камбінаты, малака- і півавараны заводы, кандытарская фабрыка. Лёгкая прамысловасць: швейная, абутковая, дываннаткацкая фабрыкі. Развіта таксама машынабудаванне і металаапрацоўка: ПА «Пяцігорсксельмаш» па выпуску машын і абсталявання для птушкагадоўлі. Заводы: аўтаспецбудавання, электрамеханічны і інш. Ёсць таксама хімічны завод.

Вядомыя ўраджэнцы і жыхары

• Пётр Сямёнавіч Самадураў (1908—1985) — вучоны, геолаг, мінералог і петрограф, кандыдат геолага-мінералагічных навук, доктар геаграфічных навук[3].
• Мірза Масэсавіч Авакаў (1925—1987) — юрыст. Доктар юрыдычных навук (1968), прафесар (1968).

Зноскі

1. ↑ http://www.stavropol.vybory.izbirkom.ru/region/region/stavropol?action=show&root=1&tvd=4264027102628&vrn=4264027102624&region=26&global=&sub_region=26&prver=0&pronetvd=null&vibid=4264027102628&type=234
2. ↑ Города с численностью постоянного населения от 100 тыс. до 250 тыс. человек
3. ↑ Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз. — С. 438.

Літаратура

• Пяцігорск // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 176. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Тапаграфiчныя карты

• (руск.)   Ессентуки. Маштаб: 1 : 200 000. Пазначыць дату выдання/стан мясцовасці.
• (руск.)   Минеральные Воды. Маштаб: 1 : 200 000. Пазначыць дату выдання/стан мясцовасці.