Раёны Вены
Вена складаецца з 23 раёнаў (ням.: Bezirke). Кожны раён мае назву, але часта раёны называюць і па нумарах. Так, на многіх дамах у Вене вісяць таблічкі з назвай вуліцы, перад якім пазначаны нумар раёна, напрыклад: «16., Koppstraße», г.з. вуліца ў 16-м раёне, Отакрынгу.
З юрыдычнага пункта гледжання, яны не з’яўляюцца адміністрацыйнымі адзінкамі Аўстрыі (як, напрыклад, акругі ў іншых землях), а толькі падраздзяленнямі гарадской адміністрацыі. Тым не менш, у гэтых раёнах праходзяць выбары, а выбарныя прадстаўнікі маюць некаторыя палітычныя паўнамоцтвы, напрыклад, у сферы гарадскога планавання. Акрамя таго, кожны раён мае свой адміністрацыйны будынак (акрамя 13-га і 14-га раёнаў, якія размешчаны ў адным будынку), так што з большасць адміністрацыйных пытанняў гараджане вырашыць у сваім раёне, напрыклад, атрымаць новы пашпарт.
| № | Раён | ням.: Bezirke | Плошча, км² | Насельніцтва, чал. (2013) |
|---|---|---|---|---|
| 1 | Унутраны горад | Innere Stadt | 3,01 | 16 268 |
| 2 | Леапольдштат | Leopoldstadt | 19,27 | 96 866 |
| 3 | Ландштрасэ | Landstraße | 7,39 | 85 508 |
| 4 | Відэн | Wieden | 1,80 | 30 989 |
| 5 | Маргарэтэн | Margareten | 2,03 | 53 071 |
| 6 | Марыяхільф | Mariahilf | 1,48 | 30 117 |
| 7 | Нойбау | Neubau | 1,61 | 30 309 |
| 8 | Ёзэфштат | Josefstadt | 1,08 | 23 930 |
| 9 | Альзергрунд | Alsergrund | 2,99 | 39 968 |
| 10 | Фаварытэн | Favoriten | 31,80 | 182 595 |
| 11 | Зімерынг | Simmering | 23,27 | 92 274 |
| 12 | Майдлінг | Meidling | 8,16 | 89 616 |
| 13 | Хітцынг | Hietzing | 37,70 | 50 831 |
| 14 | Пенцынг | Penzing | 33,82 | 86 248 |
| 15 | Рудальфсгайм-Фюнфхаус | Rudolfsheim-Fünfhaus | 3,86 | 73 527 |
| 16 | Отакрынг | Ottakring | 8,65 | 97 565 |
| 17 | Гернальс | Hernals | 11,35 | 53 489 |
| 18 | Верынг | Währing | 6,28 | 48 162 |
| 19 | Дзёблінг | Döbling | 24,90 | 68 892 |
| 20 | Брыгітэнау | Brigittenau | 5,67 | 83 977 |
| 21 | Флорыдсдорф | Floridsdorf | 44,52 | 146 516 |
| 22 | Донаўштат | Donaustadt | 102,29 | 165 265 |
| 23 | Лізінг | Liesing | 32,02 | 95 263 |
| Усяго | Total | 414,95 | 1 741 246 |
Паштовыя індэксы ў Вене вызначаюцца раёнам: 1##X, дзе 1 — нумар Вены, ## — нумар раёна (з нулём у пачатку, калі неабходна), а X — нумар пошты, звычайна 0, для першай пошты. Напрыклад, 1070 — адрас у Нойбау. Выключэнне складаюць 1300 для Венскага міжнароднага аэрапорта, 1400 для комплексу будынкаў ААН і 1500 для Аўстрыйскіх узброеных сіл ААН.
Нумар раёна адлюстроўвае, у пэўнай ступені, перыяд яго ўключэння ў склад Вены. Першы раён уяўляе сабой гістарычны цэнтр Вены, а да другой паловы XIX стагоддзя ўяўляў уласна горад, абнесены гарадскі сцяной.
Раёны 2—9, а таксама 20-ы, які быў вылучаны са складу 2-га, вядомыя як унутраныя раёны (Innenbezirke) і ў большасці сваёй з’яўляюцца былымі прадмесцямі Вены, якія размяшчаліся ўнутры фартыфікацыйнага вала — другой лініі абароны горада, пабудаванай у пачатку XVIII стагоддзя. У нашы дні гэтыя раёны размешчаны ўнутры Гюртэля — вуліцы, пабудаванай на месцы знесенага да канца XIX стагоддзя вала.
Астатнія раёны вядомыя як знешнія (Außenbezirke) і складаюцца з больш аддаленых былых прыгарадаў, якія размяшчаліся за валам або за Дунаем, пасля рэгулявання якога ў 1870-х гадах было вызвалена шмат зямлі.
Спасылкі
На Вікісховішчы ёсць медыяфайлы па тэме Раёны Вены
Катэгорыя·Раёны Вены
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.