Сайтама (горад)

У гэтага паняцця ёсць і іншыя значэнні, гл. Сайтама. Сайтама (яп.: さいたま市 Сайтама-сі?) — горад у Японіі, адміністрацыйны цэнтр прэфектуры Сайтама. Горад быў утвораны 1 мая 2001 года ў выніку аб’яднання гарадоў Урава, Омія і Ёна. 1 красавіка 2005 года да Сайтамы на ўсходзе быў далучаны горад Івацукі. Сайтама з’яўляецца горадам, вызначаным указам урада з 1 красавіка 2003 года. Горад уваходзіць у агламерацыю Вялікага Токіа.

Плошча горада складае 217,49 км²,[1] насельніцтва — 1 220 710 чалавек (1 чэрвеня 2010)[2], шчыльнасць насельніцтва — 5 612,72 чал./км².

Адміністрацыйныя раёны

Сайтама падзяляецца на дзесяць адміністрацыйных раёнаў:

• Івацукі-ку;
• Кіта-ку;
• Мідоры-ку;
• Мінамі-ку;
• Мінума-ку;
• Нісі-ку;
• Омія-ку;
• Сакура-ку;
• Цюо-ку;
• Урава-ку.

Транспарт

Сайтама злучана жалезнай і аўтамабільнымі дарогамі з Токіа (Какудо 16). Аэрапорт Хонда ў горадзе Акегава прызначаны для агульнай авіяцыі. Ён не здзяйсняе транспартных паслуг. Паездка ад міжнародных аэрапортаў Ханеда і Нарыта займае каля дзвюх гадзін.

У сувязі з правядзеннем у 2002 годзе Чэмпіянату свету па футболу была падоўжана лінія Такійскага метрапалітэна Намбоку ад станцыі Акабане-Івабуты да Урава-Місона. Але за межамі Токіа лінія завецца Сайтама-Рэйлвэй (англ.: Saitama Railway).

Спорт

У Сайтаме ёсць дзве футбольныя каманды японскай Джэй-лігі: «Урава Рэдс» і «Омія Ардыя». На новым стадыёне «Сайтама-2002» былі праведзены некалькі матчаў чэмпіянату свету па футболе, у тым ліку адзін паўфінал.

Зноскі

1. ↑ Плошча ўказваецца паводле даных сайта Geospatial Information Authority of Japan(яп.)  з улікам змен, апублікаваных 1 кастрычніка 2011 года.
2. ↑ 平成22年5月1日現在　埼玉県推計人口 (яп.) . Адміністрацыя прэфектуры Сайтама (1 мая 2010). — Колькасць насельніцтва прэфектуры Сайтама. Праверана 16 ліпеня 2010.

Спасылкі

• На Вікісховішчы ёсць медыяфайлы па тэме Сайтама
• Афіцыйны сайт(яп.)