Сакі (Гайнаўскі павет)

У гэтага паняцця ёсць і іншыя значэнні, гл. Сакі.

Сакі (польск.: Saki, па-падляску: Sakí) — вёска ў Гайнаўскім павеце Падляскага ваяводства Польшчы. Знаходзіцца ў гміне Кляшчэле. Вёска населена людзмі (прыкладна ў роўных частках) праваслаўнага і каталіцкага веравызнання (парафія св. Зыгмунта ў Кляшчэлях).

Гісторыя

Гісторыя вёскі Сакі пачынаецца ў 15 стагоддзі. Калі яна была заснавана як паселішча путных баяраў Бельскага замка. З часам яна падзялілася на дзве часткі. Адна частка вёскі належала да дробнай шляхты, нашчадкаў былых баяраў. Другая частка разам са дваром была сялянскай вёскай.

• 1567 — Першая згадка пра вёску ў вопісе войска ВКЛ. Эльяш Сямёнавіч Сакоўскі паставіў для войска 1 каня.
• 1572 — Сакоўцы — дэ-Сакі, Тымафей, Еўдакім, Сачко, Дымітр, Грынь, Фёдар.
• 1595 — Сакоўцы ставяць капліцу ў гонар святога Дзімітрыя.
• 1727 — Першыя пацверджаныя крыніцамі звесткі пра царкву ў Саках.
• 1784 — Уладальнікам двара Сакі з’яўляецца шляхціц Юзаф Лявіцкі, сын пінскага харужага Адама Лявіцкага.
• 1793 — Уладальнікам двара Сакі з’яўляецца Фларыян Цяшкоўскі, кляшчэлеўскі стараста і ад’ютант Браніцкага.
• 1795 — у выніку трэцяга падзелу Рэчы Паспалітай стала часткай Прусіі.
• 1806 — У дваранскай часцы вёскі жыве 19 гаспадароў (нашчадкі былых баяраў) і членаў іх сем’яў.
• 1807 — Частка Расійскай імперыі.
• 1835 — Уладальнікам двара Сакі з’яўляецца Тамаш Крынскі.
• 1846 — У маёнтку Сакі Томаша Крынскага быў 51 мужчына і 43 жанчын.
• 1864 — Караліна Крынская падпісала акт разняволення 16 гаспадароў (былых прыгонных).
• 1887 — Заснаваная прыцаркоўная школа. У 1899 годзе яе наведвалі 14 дзяцей з Сакаў.
• 1913 — Прымусовы аўкцыён маёнтка Сакі.
• 1928 — 26 жыхароў Сакаў аб’ядналі свае зямельныя надзелы.
• 1936 — Аб’яднанне надзелаў. Іх плошча на момант кансалідацыі склала 862,712 га.
• 1939—1945 — У гады Другой сусветнай вайны, некалькі сем’яў былі дэпартаваныя ў Савецкі Саюз ці працаваць у Германіі.
• 1956 — Будаўніцтва новага будынка пачатковай школы. У 1988—1990 гадах у школе быў грунтоўны рамонт.
• 1960 — Заснаваны фермерскія кааператывы.
• 1968 — Заснаваная добраахвотная пажарная брыгада.

Галерэя

• Дабрахвотная пажарная ахова
• Крама
• Піларама
• Пункт прыёму малака
• Праваслаўная царква св. Дзімітрыя
• Званіца пры царкве
• Манастыр св. Дзімітрыя Салунскага