Санак

Са́нак[1] (польск.: Sanok, укр.: Сянік) — горад у Польшчы, адміністрацыйны цэнтр Саноцкага павета Падкарпацкага ваяводства. Утварае гарадскую гміну, таксама з’яўляеца сядзібай вясковай гміны Санак. Займае плошчу 38,15 км². Насельніцтва 38 818 чалавек (на 2016 год).

У 1434—1772 гадах Санак быў цэнтрам староства Рускага ваяводства Польскага каралеўства.

Культура

Каля Санака знаходзіцца Музей народнай архітэктуры.

Эканоміка

Развіты машынабудаванне (аўтамабільная вытворчасць Autosan), лёгкая прамысловасць, вытворчасць гуматэхнічных вырабаў (Sanok Rubber Company[pl]). Маецца завод нафтавай кампаніі PGNiG.

Гарады-пабрацімы

• Фюрстэнвальдэ (Шпрэе), Германія
• Райнгайм, Германія
• Сеста, Францыя
• Дзьёндзьёш, Венгрыя
• Эстэрсунд, Швецыя

Вядомыя выхадцы і жыхары

• Здзіслаў Бэксінскі (1929—2005) — польскі мастак і фатограф.
• Нікадзім Бярнацкі (1825—1892) — польскі кампазітар, скрыпач, музычны педагог.
• Леў Львовіч Гец (1896—1971) — мастак.
• Зыгмунт Гараздоўскі (1845—1920) — блажэнны Рымска-Каталіцкай Царквы, польскі святар, заснавальнік жаночага манаскага таварыства «Сёстры Святога Іосіфа».
• Іван Зятык (1899—1952) — блажэнны Рымска-Каталіцкай і Украінскай грэкакаталіцкай цэркваў, святар, мучанік.
• Ежы Мнішак (1548—1613) — польскі дзяржаўны дзеяч, бацька Марыны Мнішак.
• Себасцьян з Фельштына — польскі тэарэтык музыкі, кампазітар эпохі Адраджэння.
• Януш Шубер (нар. 1947) — польскі паэт.
• Катажына Бахледа-Цурусь — польская канькабежка, прызёрка алімпійскіх гульняў і чэмпіянату свету.

Зноскі

1. ↑ Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.

Спасылкі

• На Вікісховішчы ёсць медыяфайлы па тэме Санак
• Афіцыйная старонка горада