Санта-Дамінга (Коста-Рыка)

Санта-Дамінга (ісп.: Santo Domingo) – горад у Коста-Рыцы, адміністрацыйны цэнтр кантона Санта-Дамінга і аднайменнага дыстрыкта.

Геаграфія

Горад размешчаны ў даліне ракі Вірылья, на вышыні 1170 метраў над узроўнем мора ў галоўнай тэктанічнай дэпрэсіі Цэнтральнай Кардыльеры. Знаходзіцца ў 7,5 км ад сталіцы краіны – горада Сан-Хасэ – і ўваходзіць у склад сталічнай агламерацыі. Насельніцтва дыстрыкта Санта-Дамінга паводле перапісу 2011 года складае 4 730 чалавек.[2]

Гісторыя

У 1816 годзе, у дакуменце аб продажы зямлі, Санта-Дамінга згадваецца ў першы раз. У 1829 годзе тут ужо дзейнічала капліца Святога Дамінга. У 1838–1844 гадах будуецца царква Расарыё. 28 кастрычніка 1856 года быў асвечаны новы прыход у імя Святога Дамінга дэ Гусмана. У 1880 годзе закладзены будынак школы. 1 жніўня 1902 года паселішчу быў прысвоены статус горада.[3]

Горад адметны сваёй архітэктурай. Большасць будынкаў гістарычнага цэнтра было ўзведзена ў перыяд 1860-1930 гг. падчас росквіту гандлю кавай, якая вырошчвалася тут у вялікай колькасці.

У горадзе штогод у дзень Святога Дамінга ладзіцца карнавал “Alborada”.

Зноскі

1. ↑ Estadísticas demográficas. 2011 – 2025. Proyecciones nacionales. Población total proyectada al 30 de junio por grupos de edades, según provincia, cantón, distrito y sexo — Instituto Nacional de Estadística y Censos. Праверана 11 студзеня 2022.
2. ↑ Вынікі перапісу насельніцтва (2011)
3. ↑ Гісторыя горада Санта-Дамінга на сайце кантона Архівавана 30 мая 2014.

Спасылкі

Афіцыйны сайт кантона Санта-Дамінга