Саўт-Бенд (Індыяна)

Саўт-Бенд[2] — горад і цэнтр акругі Сент-Джозеф у ЗША, штат Індыяна. Саўт-Бенд стаіць на рацэ Сент-Джозеф. З’яўляецца чацвёртым па велічыні горадам Індыяны. Вядомы сваім раёнам пад назвай «Мічыяна» і ўніверсітэтам Нотр-Дам.

Саўт-Бенд быў заснаваны гандлярамі пушнінай у XVIII стагоддзі, у 1865 годзе стаў горадам. У сярэдзіне XX стагоддзя моцна спрыяла развіццю горада рака. У горадзе пасяліліся шматлікія кампаніі, у тым ліку «Studebaker Corporation», «Oliver Farm Equipment Company» і інш.

Пасля піку ў 132 445 жыхароў у 1960 годзе насельніцтва значна скарацілася. Шмат у чым гэтаму спрыяла закрыццё некаторых кампаній цяжкай прамысловасці. Але па выніках перапісу 2000 года за 10 гадоў насельніцтва вырасла на 2,2 %, упершыню з 1960 года. На сённяшні дзень у горадзе найбольш развітыя ахова здароўя, адукацыя і малы бізнес.

Вядомыя асобы

• Эрык Вішаус (нар. 1947) — амерыканскі вучоны ў галіне генетыкі, лаўрэат Нобелеўскай прэміі па фізіялогіі і медыцыне 1995 года.

Зноскі

1. ↑ https://www.nytimes.com/2020/01/01/us/politics/pete-buttigieg-mayor-south-bend.html — The New York Times, 2020. Праверана 4 лютага 2020.
2. ↑ БелЭн, 2002

Літаратура

• Саўт-Бенд // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 197. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

• На Вікісховішчы ёсць медыяфайлы па тэме Саўт-Бенд (Індыяна)