Сердар (горад)

Сердар (туркм.: Serdar — «правадыр», раней — Кізіл-Арват[1], Кызыл-Арват — «прыгожая дзяўчына») — горад у Балканскім велаяце Туркменістана.

Гісторыя

З часу свайго заснавання ў пачатку XX ст. пры будаўніцтве Закаспійскай чыгункі горад называўся Кізіл-Арват. Да 1988 года ўваходзіў у склад Краснаводскай вобласці і быў цэнтрам Кізыл-Арвацкага раёна.

Пасля здабыцця Туркменістанам незалежнасці ў 1991 годзе таксама ўжывалася форма Гызыларбат. Сучасную назву горад атрымаў 29 снежня 1999 года[2] ў гонар Сапармурата Ніязава («сердар» у перакладзе з туркменскай мовы азначае «правадыр»).

Кізыл-Арват быў перайменаваны ў Сердар, бо Сапармурат, асірацелы выніку ашхабадскага землетрасення 1948-га, быў адпраўлены ў Кізыл-Арвацкі дзіцячы дом, дзе пражыў некалькі гадоў.

Геаграфія

Горад размешчаны ля падножжа Капетдага, за 175 км на паўднёвы ўсход ад адміністрацыйнага цэнтра велаята Балканабада, за 219 км на паўночны захад ад Ашгабата.

На аэрадроме Кызыл-Арват у савецкі час базаваўся 217-ы авіяцыйны полк знішчальнікаў-бамбавікоў 34-й АДІБ.

Насельніцтва

Колькасць насельніцтва Сердара — 45 000 чалавек (2013 год).

Прамысловасць

У горадзе размешчаны вагонарамонтны, бавоўнаачышчальны і ёдны («Беракет») заводы, дывановая фабрыка[4] і тэкстыльны комплекс.

Зноскі

1. ↑ БСЭ, 1969—1978.
2. ↑ Электронный бюллетень «Изменения географических названий государств-участников СНГ (обновлённый по состоянию на 2019 г.)». Республика Туркменистан. (нявызн.) (недаступная спасылка). Официальный сайт Росреестра. Архівавана з першакрыніцы 26 сакавіка 2020. Праверана 14 мая 2022.
3. ↑ па ВСЭ
4. 1 2 «Современный толковый словарь». Издательсто «Большая советская энциклопедия». 1997 год.
5. ↑ World Gazetteer: Usbekistan — die wichtigsten Städte

Спасылкі

• ВСЭ: Кізіл-Арват