Стара-Любаўня

Ста́ра-Лю́баўня (славацк.: Stará Ľubovňa, укр.: Стара-Любовня, польск.: Lubowla / Любовля, ням.: Altlublau, венг.: Ólubló) — горад ва ўсходняй Славакіі на рацэ Попрад. Адзін з важных спішскіх гарадоў. Насельніцтва каля 15 тыс. чалавек.

Гісторыя

Стара-Любаўня была першы раз згадана ў 1292 годзе як горад Лібенаў. У 1364 годзе венгерскі кароль Людовік I Вялікі дараваў Стара-Любаўні права каралеўскага горада. У 1412 годзе ў ліку 16 спішскіх гарадоў Стара-Любаўня была аддадзена Польшчы як задатак за доўг. У 1772 годзе пасля падзелу Рэчы Паспалітай, Стара-Любаўня зноў уваходзіць у склад Венгерскага каралеўства ў складзе Аўстрыі.

Насельніцтва

Стара-Любаўня — шматнацыянальны горад. Тут жывуць славакі, русіны, палякі, немцы, цыгане. Каля траціны вернікаў — уніяты.

Славутасці

• Фарны касцёл Св. Мікалая
• Любаўнянскі Град
• Музей пад голым небам

Гл. таксама

• Спіш

Гарады-пабрацімы

• Новы Сонч, Польшча[1]
• Люблінец, Польшча
• Паланец, Польшча
• Свалява, Украіна
• Усецін, Чэхія
• Балчык, Балгарыя

Зноскі

1. ↑ Гарады пабрацімы Новага Сонча(нявызн.). Архівавана з першакрыніцы 22 жніўня 2011. Праверана 03.06.2009.

Спасылкі

• На Вікісховішчы ёсць медыяфайлы па тэме Стара-Любаўня
• Сайт горада Стара-Любаўня
• Крэпасць Стара-Любаўня Архівавана 30 верасня 2007.