Сіэтл

Сіэ́тл[4] (англ.: Seattle) — горад у штаце Вашынгтон, марскі порт. Найбуйнейшы горад на ціхаакіянскім паўночным захадзе ЗША. Насельніцтва 573 000 чалавек (2005), з прыгарадамі — 3 919 624 чалавек.

Сіэтл размешчаны на пярэсмыку паміж П’юджэт-Саўндам (уваход у Ціхі акіян і возерам Вашынгтон, прыкладна за 160 км на поўдзень ад канадскай мяжы. Станам на 2015 год Сіэтл — галоўны шлюз для гандлю з паўночнай Азіяй, чацвёрты па велічыні порт Паўночнай Амерыкі.

Сіэтл заснаваны ў 1850-я гады, назва паходзіць ад імя індзейскага правадыра. Сіэтл мае трывалую рэпутацыю дажджлівага горада — не столькі з-за вялікай колькасці ападкаў, колькі з-за ліку дажджлівых дзён (у сярэднім 226 пахмурных дзён за год).

У 1990 годзе ў горадзе праводзіліся Гульні Добрай волі.

Вядомыя ўраджэнцы і жыхары

• Джымі Хендрыкс (1940—1970) — амерыканскі гітарыст, музыкант, вакаліст і кампазітар.
• Курт Кабейн (1967—1994) — вакаліст і гітарыст гурта Nirvana.
• Біл Гейтс (нар. 1955) — амерыканскі праграміст і бізнесмен, сузаснавальнік кампаніі Microsoft.
• Секу Уігс (нар. 1994) — амерыканскі баскетбаліст.

Зноскі

1. ↑ https://www.historylink.org/File/303 Праверана 9 ліпеня 2020.
2. ↑ https://www.encyclopedia.com/places/united-states-and-canada/us-political-geography/seattle Праверана 10 ліпеня 2020.
3. ↑ https://www.britannica.com/place/Seattle-Washington Праверана 10 ліпеня 2020.
4. ↑ БелЭн, 2002

Літаратура

• Сіэтл // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 428. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

• На Вікісховішчы ёсць медыяфайлы па тэме Сіэтл