Трубчэўск

Трубчэўск (руск.: Трубчевск) — горад (з 1778 года) у Расіі, адміністрацыйны цэнтр Трубчэўскага раёна Бранскай вобласці. Насельніцтва 16,1 тыс. чалавек (2005). Заснаваны ў 975 годзе.

Горад размешчаны на рацэ Дзясна (прыток Дняпра), за 94 км на паўднёвы захад ад Бранска. Перапрацоўка сельскагаспадарчай сыравіны.

Гісторыя

У ранніх крыніцах горад называецца Трубеч, Трубецк, Трубчэск або Трубежск. Першапачатковае пасяленне размяшчалася ў 10 км ніжэй па цячэнні Дзясны, побач з сучаснай вёскай Кветунь. З 12 ст. — на сучасным месцы, цэнтр удзельнага княства. У 1240 захоплены татарамі. У 1356 годзе захоплены вялікім князем Літоўскім Альгердам і аддадзены ў надзел яго сыну Дзмітрыю Альгердавічу, родапачынальніку дынастыі князёў Трубяцкіх. Захоплены Вялікім княствам Маскоўскім падчас вайны 1500—1503 года, у Смутны час (1609 г.) захоплены палякамі (юрыдычна адышоў да Рэчы Паспалітай па Дэулінскаму перамір’ю 1618. Па Палянаўскім мірным дагаворы 1634) да Расіі адышоў горад Сярпейск і крэпасці Трубчэўск, Ахтурка і Лебядзін.

Эканоміка

• АТ «Неруса»
• «Аграпрамвалакно»
• ДУ «Трубчэўскае лясніцтва»
• АТ «Трубчэўская мануфактура»
• АТ «Хлеб»
• АТ «Дзяснянскія сыры»
• ЗАТ «Дзяснянскі харчкамбінат»

Адукацыя

• Трубчэўскі політэхнічны тэхнікум.
• Трубчэўскі аграрны каледж.
• Трубчэўскі педагагічны каледж.
• Сярэднія школы № 1,2
• Гімназія № 1
• Прафесійны ліцэй № 1

Вядомыя асобы

• Іван Яфімавіч Пятроў (1896—1958) — ваенны дзеяч, генерал арміі, Герой Савецкага Саюза.
• Мікалай Паўлавіч Пятроў (1836—1920) — рускі вучоны ў галіне механікі і інжынер, генерал-інжынер.
• Яфрэм Майсеевіч Карпачоў (1914—1988) — беларускі гісторык, архівіст.

Спасылкі

• На Вікісховішчы ёсць медыяфайлы па тэме Трубчэўск