Трубчэўскі раён

Трубчэўскі раён (руск.: Трубчевский район) — адміністрацыйна-тэрытарыяльная адзінка на поўдні Бранскай вобласці Расіі. Адміністрацыйны цэнтр — горад Трубчэўск.

Геаграфія

Плошча раёна — 1820 км². Асноўныя рэкі — Дзясна, Няруса (прыток Дзясны).

Гісторыя

У сувязі з увядзеннем у СССР новай сістэмы адміністрацыйна-тэрытарыяльнага падзелу, у 1929 годзе тэрыторыя Бранскай губерні была падзелена на раёны, якія з 1 кастрычніка былі ўключаны ў склад новаўтворанай Заходняй вобласці. Адным з такіх раёнаў быў Трубчэўскі.

У 1937 годзе Трубчэўскі раён, у ліку іншых раёнаў, быў уключаны ў склад наноў утворанай Арлоўскай вобласці.

5 ліпеня 1944 года Указам Прэзідыума Вярхоўнага Савета СССР была ўтворана Бранская вобласць, у склад якой, нароўні з іншымі, увайшоў і Трубчэўскі раён.

Адміністрацыйна-тэрытарыяльны падзел

Пасля муніцыпальнай рэформы (2005) у раёне маецца 2 гарадскія і 6 сельскіх паселішчаў:

Гарадскія паселішчы:

• Белабярозкаўскае гарадское паселішча
• Трубчэўскае гарадское паселішча

Сельскія паселішчы:

• Гарадзецкае сельскае паселішча
• Сялецкае сельскае паселішча
• Семачкаўскае сельскае паселішча
• Цялецкае сельскае паселішча
• Усохскае сельскае паселішча
• Юраўскае сельскае паселішча

Славутасці

• Царква Св. Міхала Арханёла ў в. Аляшанка
• Царква Нараджэння Божай Маці ў в. Гнілёва
• Манастыр Спаса-Праабражэнскі і гарадзішча ў в. Кветунь
• Царква Св. Якіма і Ганны ў в. Любажычы
• Царква Св. Мікалая ў в. Любец
• Царква Св. Параскевы Пятніцы ў в. Піліпавічы
• Царква Свв. апп. Пятра і Паўла ў в. Плюскаў
• Царква Св. Мітрафана ў в. Рабчоўск
• Царква Успення Прасв. Багародзіцы ў в. Радуціна
• Царква Маці Божай Смаленскай у в. Ратчына
• Царква Св. Мікалая ў в. Семачкі
• Царква Св. Духа ў в. Сялец
• Царква Св. Мікалая ў в. Цішына

Спасылкі

• На Вікісховішчы ёсць медыяфайлы па тэме Трубчэўскі раён
• Трубчэўскі раён на Radzima.org