Угерске-Градзіштэ

У́герске-Гра́дзіштэ (чэшск.: Uherské Hradiště, літар. «Венгерская крэпасць») — горад у Чэхіі ў Злінскім краі, адміністрацыйны цэнтр аднайменнага раёна. Гістарычны цэнтр Мараўскай Славакіі.

Гісторыя

Горад быў заснаваны ў 1257 годзе багемскім каралём Пржэмыслам Отакарам II у якасці крэпасці на спрэчных з Венгрыяй тэрыторыях. Першапачаткова горад насіў назву Новы-Велеград, таксама ў хроніках сустракаліся назвы «Градзіштэ» («Крэпасць») і «Градзішча», якія ў нямецкіх тэкстах ператварыліся ў «Радзіш» (ням.: Radisch). Сучасная назва «Угерске-Градзіштэ» ўпершыню сустракаецца ў 1587 годзе, і паступова горад пачынаюць называць менавіта так.

У 1886 годзе ва Угерске-Градзіштэ пераехаў Антанін Баця Старэйшы і заснаваў тут абутковую мануфактуру, якая пасля развілася ў сусветна вядомую фірму «Баця».

Вядомыя жыхары і выхадцы

• Збінек Грачак — шахматны гросмайстар
• Міраслаў Кадлец — футбаліст
• Петр Нечас — прэм’ер-міністр Чэхіі
• Здэнек Халабала — дырыжор
• Шарка Панчахава — снаўбардыстка

Гарады-пабрацімы

•  Кросна, Польшча
•  Прыверна, Італія
•  Трэнчын, Славакія

Зноскі

1. ↑ Jakl L. Jak stará jsou česká města? Legendy a fakta. // iDNES.cz — 2011.
2. ↑ Historický lexikon obcí České republiky 1869–2005: 1. díl / пад рэд. J. Růžková, J. Škrabal — ČSÚ, 2006. — 759 с. — ISBN 978-80-250-1310-6