Французскае Супольніцтва

Французскае Супольніцтва (фр.: Communauté française) — арганізацыя Французскай каланіяльнай імперыі ў 1958—1960 гадах, утвораная па Канстытуцыі Францыі 4 кастрычніка 1958 года, якая паклала пачатак Пятай рэспублікі. Супольніцтва замяніла аналагічную арганізацыю Чацвёртай рэспублікі Французскі Саюз. Рэферэндум, які ўхваліў Канстытуцыю 1958 года, быў адпрэчаны ў Гвінеі, якая ў выніку стала незалежнай і не ўвайшла ў Супольніцтва.

У Супольніцтва ўваходзілі Францыя, заморскія дэпартаменты (Алжыр, Французская Гвіяна, Гвадэлупа, Марцініка і Рэюньён), заморскія тэрыторыі (Каморскія астравы, Французская Палінезія, Французскі Бераг Самалі, Новая Каледонія, Сен-П’ер і Мікелон і астравы Уоліс і Футуна) і 12 афрыканскіх калоній Францыі: Маўрытанія, Сенегал, Бераг Слановай Косці, Дагамея (цяпер Бенін), Французскі Судан (цяпер Малі), Верхняя Вольта (цяпер Буркіна-Фасо), Нігер, Габон, Чад, Цэнтральна-Афрыканская Рэспубліка (былая Убангі-Шары), Конга і Малагасійская Рэспубліка. Нягледзячы на тое, што Супольніцтва амаль страціла сваё значэнне пасля абвяшчэння незалежнасці большай часткай афрыканскіх калоній і больш не згадвалася з пачатку 1960-х, фармальна скасаванае з Канстытуцыі Францыі яно была толькі Канстытуцыйным актам 4 жніўня 1995.

Гл. таксама

• Французскі Саюз
• Садружнасць нацый
• Французскі канстытуцыйны рэферэндум 1958

Літаратура

• Супольніцтва // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

• (фр.)  Communauté française