Хэслехальм

Хэслехальм (шведск.: Hässleholm) — горад у Швецыі ў лене Сконэ. Адміністрацыйны цэнтр Хэслехальмскай камуны.

Насельніцтва — 18 500 жыхароў (2010).[1]

Гісторыя

Хэслехальм паступова развіваўся з 1860 года ў сувязі з будаўніцтвам чыгуначнай лініі з Стакгольма ў Мальмё. Да з’яўлення чыгункі не было ніякага паселішча. Станцыя атрымала сваю назву ад сядзібы, размешчанай у непасрэднай блізкасці ад чыгуначнага вузла. Хэслехальм атрымаў статус горада ў 1914 годзе. У 20 стагоддзі горад ператварыўся ў ваенны цэнтр. Пасля заканчэння халоднай вайны большая частка ваенных устаноў была расфармавана або перамешчана ў іншыя месцы.

У 2002 годзе быў адкрыты культурны цэнтр Хэслехальма («Kulturhus»). Тут дзейнічаюць тэатр, бібліятэка, наведвальніцкі цэнтр і рэстараны. На усходзе цэнтра горада знаходзіцца парк («hembygdspark») са статуяй пад назвай «Snapphanen» (скульптар Аксель Эбэ). Статуя нагадвае пра гісторыю вобласці як цэнтра паўстанцаў у 17 стагоддзя падчас барацьбы паміж Швецыяй і Даніяй.

Некаторыя з самых цікавых і адметныя архітэктурных будынкаў горада размешчаны ўздоўж Першай авеню («Forsta Авенюн»). Цэнтральны чыгуначны вакзал знаходзіцца на заходнім канцы вуліцы, у самым сэрцы горада. Царква Хэслехальма, пабудаваная ў 1914 годзе, знаходзіцца на ўсходнім канцы вуліцы. Hotell Statt, галоўны і самы стары гатэль, размешчаны на паўночным боку, а на паўднёвым боку знаходзіцца найстарэйшы будынак горада, у якім ў цяперашні час размешчаны крамы, офісы і кватэры.

Зноскі

1. ↑ Tätorternas landareal, folkmängd och invånare per km2 2005 och 2010(нявызн.) . Statistics Sweden (14 снежня 2011). Архівавана з першакрыніцы 10 студзеня 2012. Праверана 10 January 2012.

Спасылкі

• На Вікісховішчы ёсць медыяфайлы па тэме Хэслехальм
• Афіцыйны сайт