Штайр

Штайр (ням.: Steyr) — старадаўні горад у Аўстрыі, у федэральнай зямлі Верхняя Аўстрыя. Горад размешчаны на беразе ракі Энс пры ўпадзенні ў яе невялікай рэчкі Штайр.

Славутасці

У 1980 годзе Штайр адзначыў сваё тысячагоддзе. Да гэтай даты гістарычны цэнтр горада быў цалкам адрэстаўраваны, што зрабіла Штайр адным з найбольш добра захаваных старадаўніх гарадоў Аўстрыі. Сярод славутасцяў асабліва вылучаецца цэнтральная гарадская плошча Штадтплац з гатычным будынкам Бумерлхаўза, які знаходзіцца на ёё і лічыцца адным з сімвалаў Штайра. На ўзвышэнні ля сутокі рэк Штайр і Энс размешчаны бабенбергскі замак Ламберг і царква Св. Міхаэля.

Гарады-пабрацімы

Гарадамі-пабрацімамі Штайра з’яўляюцца:

• Віфлеем, Палесціна
• Айзенерц, Аўстрыя
• Кетэрынг, ЗША
• Плаўэн, Германія
• Сан-Бенедэта-дэль-Тронта, Італія

Палітычная сітуацыя

Бургамістр камуны — Дафід Форстэнлехнер (СДПА) па выніках выбараў 2003 гора.

Савет прадстаўнікоў камуны (ням.: Gemeinderat) складаецца з 36 месцаў.

• СДПА займае 23 месцы.
• АНП займае 6 месцаў.
• АПС займае 3 месцы.
• Зялёныя займаюць 3 месцы.
• мясцовы спіс: 1 месца.

Спасылкі

• На Вікісховішчы ёсць медыяфайлы па тэме Штайр
• Афіцыйны сайт магістрата
• Вэбкамеры, устаноўленыя на вуліцах горада