Эльчэ

Эльчэ (ісп.: Elche) — горад на паўднёвым усходзе Іспаніі, размяшчаецца ў аўтаномнай супольнасці Валенсія, у правінцыі Алікантэ. Паводле дадзеных перапісу 2008 года Эльчэ мае насельніцтва ў 228,3 тысяч жыхароў[1], займаючы, такім чынам, трэці радок самых густанаселеных гарадоў супольнасці пасля Валенсіі і Алікантэ, а таксама ўваходзіць у спіс 20 найбуйнейшых іспанскіх гарадоў.

Частка муніцыпалітэта з’яўляецца прыбярэжнай, але галоўная частка гораду размяшчаецца ў каля 11 км ад Міжземнага мора. Невялікі ручай Віналопа працякае праз горад, падзяляючы яго на дзве часткі.

Гісторыя

Ла Алькудыя знаходзіцца ў 10 км ад месца размяшчэння сучаснага горада і з’яўляецца непасрэдным папярэднікам Эльчэ. Гэты горад быў заселены грэкамі, а затым заняты карфагенянамі і рымлянамі. Грэчаскія каланісты стварылі тут сваю калонію, назваўшы яе Гэліке каля 600 года да н.э. Рымляне называлі горад Ілісі (па-іспанску: Ilici) і надалі яму статус калоніі, пасля кароткага візантыйскага валадарства, готы занялі горад і ўсталявалі ў ім біскупскі пасад.

Эльчэ страціў сваё значэнне ў перыяд маўрытанскай акупацыі. Арагонскі кароль Хаймэ II узяў горад у XIII стагоддзі падчас Рэканкісты. Горад рос на працягу XVIII стагоддзя і стаў гуляць больш важную ролю ў XIX стагоддзі з прыходам сюды чыгункі і буму прамысловага развіцця.

Спорт

У горадзе маецца футбольны клуб «Эльчэ».

Гарады-пабрацімы

• Касукабэ, Японія (2010)
• Аран, Алжыр (1939)
• Тулуза, Францыя (1981)

Зноскі

1. ↑ Elche supera ya los 228.300 habitantes Архівавана 26 лютага 2009., INFORMACION.es

Спасылкі

• На Вікісховішчы ёсць медыяфайлы па тэме Эльчэ
• Віртуальны тур па гораду
• Гарадская панарама
• Музеі Эльчэ Архівавана 5 сакавіка 2016.