Азінскі сельсавет

А́зінскі сельсавет — адміністрацыйна-тэрытарыяльная адзінка ў складзе Полацкага раёна Віцебскай вобласці Рэспублікі Беларусь. Цэнтр — вёска Азіна.

Гісторыя

Утвораны 20 жніўня 1924 года як Бельскі сельсавет у складзе Полацкага раёна Полацкай акругі БССР. Цэнтр — вёска Белае. Пасля скасавання акруговай сістэмы 26 ліпеня 1930 года ў Полацкім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 16 ліпеня 1954 года да сельсавета далучана тэрыторыя скасаванага Баярскага сельсавета[1]. 20 мая 1960 года ў склад сельсавета са скасаванага Захарніцкага сельсавета перададзены вёскі Дохнары і Рудня, у склад Адамоўскага сельсавета перададзены вёскі Бела-Мацейкава, Мацейкава і Пярхальшчына[2]. 14 ліпеня 1975 года вёска Белае перайменавана ў Азіна, сельсавет перайменаваны ў Азінскі. 10 кастрычніка 2013 года да сельсавета далучана частка скасаванага Адамоўскага сельсавета (11 населеных пунктаў: аграгарадок Мацюшы, вёскі Бела-Мацейкава, Грамошча, Канстанцінава, Качарэжына, Кеўлы, Мацейкава, Новыя Замшаны, Парфенаўцы, Пярхальшчына і Рабінаўка)[3].

Насельніцтва

Насельніцтва сельсавета паводле перапісу 2009 года (14 населеных пунктаў) — 722 чалавекі[4], з іх 81,0 % — беларусы, 14,3 % — рускія, 2,8 % — украінцы[5].

Населеныя пункты

З 2013 года ў склад сельсавета ўваходзяць 25 населеных пунктаў:

• Азіна
• Арцейкавічы
• Бараўцы
• Баркі
• Бела-Мацейкава
• Грамошча
• Дохнары
• Званае
• Канстанцінава
• Кацельна
• Качарэжына
• Кеўлы
• Лагуны
• Ларкаўцы
• Лісуны
• Мацейкава
• Мацюшы
• Новыя Замшаны
• Парфенаўцы
• Пярхальшчына
• Рабінаўка
• Рудня
• Сяльцо Белае
• Уладычына
• Цінаўка

Гістарычныя звесткі па населеных пунктах:

• 1 студзеня 1947 года — 12[6]

Зноскі

1. ↑ Указ Президиума Верховного Совета БССР от 16 июля 1954 г. Об объединении сельских советов Витебской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. ↑ Рашэнне выканкома Віцебскага абласнога Савета дэпутатаў працоўных ад 20 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
3. ↑ Решение Витебского областного Совета депутатов от 10 октября 2013 г. № 292 Об изменении административно-территориального устройства некоторых районов Витебской области Архівавана 17 ліпеня 2021.
4. ↑ Колькасць насельніцтва населеных пунктаў Віцебскай вобласці Беларусі паводле перапісу 2009 года(руск.)
5. ↑ Этнічны склад насельніцтва сельсаветаў Беларусі паводле перапісу 2009 года(руск.)
6. ↑ Белорусская ССР: Административно-территориальное деление на 1-е января 1947 г. / Информационно-статистическое отделение Президиума Верховного Совета БССР. — Минск: Госиздат БССР, Редакция политической литературы, 1947. — 300 с. — С. 237.

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.