Асочнікі (Гродзенскі раён)

Асо́чнікі[1] (трансліт.: Asočniki, руск.: Осочники) — вёска ў Гродзенскім раёне Гродзенскай вобласці. Уваходзіць у склад Сапоцкінскага сельсавета.

Гісторыя

Вядомая з 1554, тады ў вёсцы жылі асочнікі, якія абслугоўвалі Перстунскую пушчу, ёсць пералікі жыхароў з 16 і 17 ст. У 19 ст. Асочнікі — вёска Аўгустоўскага павета, гміны Валавічоўцы, парафіі Тэалін. У 1828 у дзяржаўнай уласнасці — 25 дамоў і 155 жыхароў. У 1886 — 36 дамоў і 271 жыхар. У сяр. 19 ст. жыхары былі ўніяцкага веравызнання. 1 верасня 1959 года перададзена з Соніцкага сельсавета ў Сапоцкінскі пассавет[2].

Вядомыя асобы

• Іосіф Лучнік (нар. 1936) — польскі дзеяч на Беларусі, адзін з заснавальнікаў Саюза палякаў.

Літаратура

• Памяць: Гісторыка-дакументальная хроніка Гродзенскага раёна / Рэдкал. У. П. Верхась і інш. — Мн., 1993.

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. ↑ Рашэнне выканкома Гродзенскага абласнога Савета дэпутатаў працоўных ад 1 верасня 1959 г. // Зборнік законаў Беларускай ССР і указаў Прэзідыума Вярхоўнага Савета Беларускай ССР. — 1959, № 13.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх