Аяча

Аяча (фр.: Ajaccio, карс.: Aiacciu) — найбуйнейшы горад і порт вострава Корсіка, які належыць Францыі. Цэнтр дэпартамента Паўднёвая Корсіка. Знаходзіцца на заходнім беразе вострава ў жывапіснай бухце на рацэ Гравона.

Гісторыя

Час узнікнення лацінскага паселішча Аякс (Ajax), якое стаяла ў некалькіх кіламетрах на поўнач ад сучаснага горада, дакладна невядома. Упершыню згадваецца ў лістах папы Рыгора Вялікага. У Сярэднявеччы ў горадзе быў свой біскуп. На сваім цяперашнім месцы Аяча заснавана ў 1492 годзе негацыянтамі генуэзскага банка Святога Георгія. На працягу першых дзесяцігоддзяў гэта была ўмацаваная калонія Генуэзскай рэспублікі, карсіканцам тут сяліцца забаранялі. У 1553—1559 гады горад знаходзіўся пад французскай акупацыяй. Аяча ўвайшоў у склад Францыі толькі ў 1768 годзе[2].

У Аяча нарадзіўся Напалеон Банапарт.

Эканоміка

Аяча з’яўляецца прыморскім курортам і цэнтрам турызму. Тут распаўсюджаны рыбалоўства, жывёлагадоўля, збор каштанаў, вытворчасць аліўкавага алею, знакамітых вінаў і корак.

Вядомыя асобы

• Алізэ Жакатэ (нар. 1984) — спявачка, танцорка, фотамадэль, прадзюсар.

Гарады-пабрацімы

•  Dana Point[d], ЗША
•  Larnaca Municipality[d], Кіпр (10 студзеня 1989)[3]
•  Аксарай, Турцыя
•  Ена, Германія
•  Ла-Мадалена, Італія
•  Маракеш, Марока
•  Пальма-дэ-Мальёрка, Іспанія

Зноскі

1. ↑ French National Directory of Representatives Праверана 15 сакавіка 2019.
2. ↑ Ajaccio (France). Encyclopædia Britannica Online.
3. ↑ Twinnings of Larnaka Праверана 14 жніўня 2018.

Спасылкі

• На Вікісховішчы ёсць медыяфайлы па тэме Аяча
• Сайт горада