Беразіно

У гэтага паняцця ёсць і іншыя значэнні, гл. Беразіно (значэнні). Беразіно́[2] (трансліт.: Bierazino) — горад у Мінскай вобласці Беларусі, адміністрацыйны цэнтр Бярэзінскага раёна, прыстань на р. Бярэзіна. За 101 км ад Мінска, на аўтадарозе Мінск—Магілёў. Насельніцтва 11 698 чал. (2017)[3].

Гісторыя

Упершыню згадваецца ў 1501 годзе як мястэчка. Пасля адміністрацыйнай рэформы 1560-х гадоў у Менскім павеце Вялікага княства Літоўскага, называлася Ніжнім Беразіном, належала Сапегам; з 1671 года ім валодалі Тышкевічы, Патоцкія. З 1668 года меў прывілей на штотыднёвы торг і штогадовы кірмаш. У Паўночную вайну (1700—1721) каля Беразіна 16—17 ліпеня 1708 года цераз раку Бярэзіна перапраўляўся са сваімі войскамі шведскі кароль Карл XII.

З 1793 года мястэчка Ігуменскага павета. У 1905 годзе адбыліся выступленні працоўных.

З 17 ліпеня 1924 — цэнтр раёна ў Барысаўскай акрузе, 9 чэрвеня 1927 — цэнтр раёна ў Мінскай акрузе (да 23 ліпеня 1928), са студзеня 1938 — цэнтр раёна ў Магілёўскай вобласці. З 27 верасня 1938 года — гарадскі пасёлак, з 20 верасня 1944 — цэнтр раёна ў Мінскай вобласці.

З 25 снежня 1962 — раён скасаваны, тэрыторыя ўвайшла ў Чэрвеньскі раён, 6 студзеня 1965 — раён адноўлены. З 7 сакавіка 1968 Беразіно — горад раённага падпарадкавання.

Гістарычная галерэя

• Касцёл, пачатак XX ст.
• Сядзіба Патоцкіх
• Грэка-каталіцкая царква
• Касцельная плошча

Насельніцтва

• 2006 год — 12,9 тыс. чал.;
• 2007 год — 12,8 тыс. чал.;
• 2012 год — 12,0 тыс. чал.;
• 2016 год — 11832 чал.[4];
• 2017 год — 11698 чал.[3]

Эканоміка

Прадпрыемствы харчовай, паліўнай, лёгкай прамысловасці. Гасцініца «Беразіно».

Славутасці

• Бярэзінскі сядзібны дом (19 ст.)
• Спаса-Праабражэнская царква (1950-я)
• Мікалаеўская царква
• Касцёл Унебаўзяцця Найсвяцейшай Дзевы Марыі (1644—1914)
• Касцёл Маці Божай Міласэрнасці (пач. XXI ст.)

Вядомыя асобы

Асноўны артыкул: Вядомыя асобы Беразіна

• Марыя Веньямінаўна Бярковіч (1910—1993) — мастак кіно і графік
• Аляксандр Парвус, дзеяч сацыял-дэмакратычнага руху, публіцыст
• Хана Ровіна, савецкая актрыса
• Яўген Сідаровіч, беларускі навуковец у галіне фізіялогіі, экалогіі
• Рыгор Старобінец, беларускі хімік
• Станіслаў Шостак, беларускі і польскі ваенны дзеяч
• Ізраіль Барысавіч Элентух (1913—?) — беларускі гісторык мастацтва і мастацтвазнавец, мастацкі крытык, педагог.
• Дзмітрый Леанідавіч Мірончык (1976) — беларускі дыпламат.
• Іван Раманавіч Пастарнацкі (1848—1887) — доктар, прафесар Варшаўскага ўніверсітэта.

Гл. таксама

• Гарады Мінскай вобласці
• Гарады Беларусі
• ФК Беразіно

Зноскі

1. ↑ Численность населения на 1 января 2022 г. и среднегодовая численность населения за 2021 год по Республике Беларусь в разрезе областей, районов, городов, поселков городского типа — Национальный статистический комитет Республики Беларусь, 2022.
2. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
3. 1 2 Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу(руск.) . Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.
4. ↑ Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу(руск.) . Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.

Літаратура

• Березино // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9;

Спасылкі

• На Вікісховішчы ёсць медыяфайлы па тэме Беразіно
• Геаграфічныя звесткі па тэме Беразіно на OpenStreetMap

• Berezyna 1.) ihumeńska lub niżna, powiat ihumeński // Słownik geograficzny Królestwa Polskiego i innych krajów słowiańskich. — Tom I (Aa — Dereneczna), 1880. — S. 144 (польск.)

• Надвор’е ў горадзе Беразіно