Біхач

Біхач (басн.: і харв.: Bihać, сербск.: Бихаћ) — горад, з навакольнымі паселішчамі складае абшчыну Град Біхач (басн.: , харв.: і сербск.: Grad Bihać, Град Бихаћ ) ў паўночным захадзе Босніі і Герцагавіны на рацэ Уна (правы прыток Савы). Адміністрацыйны цэнтр Унска-Санскага кантона Федэрацыі Босніі і Герцагавіны.

Геаграфія

Горад Біхач размешчаны ў паўночна-заходняй частцы Босніі і Герцагавіны на абодвух берагах ракі Уна, і з’яўляецца гаспадарчым, адміністрацыйным і культурным цэнтрам Унска-Санскага кантона. На захадзе абшчына мяжуе з наступнымі харвацкімі абшчынамі: Доньі-Лапац і Плітвічка-Езера-Карэніца, на поўначы — з абшчынай Цазін, на ўсходзе — Босанска-Крупа і Босанскі-Петровац, на поўдні — з абшчынай Дрвар.

Насельніцтва

Паводле перапісу насельніцтва 2013 года колькасць насельніцтва ў населеным пункце Біхач склала 39 690 чалавек, ва ўсёй гарадской абшчыне — 56 261 чалавек[1].

Склад насельніцтва ў межах сёння існуючай тэрыторыі абшчыны Біхач:

2013

Баснійцы — 49 550 (88.07 %)
Харваты — 3 265 (5.8 %)
Сербы — 910 (1.61 %)
Іншыя — 2,536 (4.5 %)

1991

Мусульмане — 46 737 (66,08 %)
Сербы — 12 689 (17,94 %)
Харваты — 5 580 (7,9 %)
Югаславы — 4 356 (6,15 %)
Іншыя — 1 370 (1,95 %)

1981

Мусульмане — 40 041 (61,09 %)
Сербы — 11 093 (16,92 %)
Харваты — 5 855 (8,9 %)
Югаславы — 8 003 (12,2 %)
Іншыя — 246 (0,37 %)

Гаспадарка

У былой Югаславіі Біхач быў сярод гарадоў з развітой прамысловасцю, прагрэс якой вызначаўся ў першую чаргу такімі прадпрыемствамі, як Kombiteks, Krajinametal і Polietilenka. Сёння Біхач — адзін з найбуйнейшых вытворцаў піва ў краіне. Тут таксама існуюць малочныя прадпрыемствы, вытворчасць халадзільнікаў. Значны ўдзел у эканоміцы абшчыны, дзякуючы ўрадлівым глебам, займае і сельская гаспадарка. Развіваецца водны турызм на рацэ Уна.

Гарады-пабрацімы

Зноскі

Тэмы гэтай старонкі:
Катэгорыя·Населеныя пункты Мэнскага раёна Катэгорыя·Населеныя пункты паводле алфавіта
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.