Варатынскі сельсавет

Вараты́нскі сельсавет — адміністрацыйна-тэрытарыяльная адзінка ў складзе Бабруйскага раёна Магілёўскай вобласці. Цэнтр — аграгарадок (да 2010 года вёска) Варатынь.

Гісторыя

Утвораны 20 жніўня 1924 года ў складзе Бабруйскага 1-га раёна Бабруйскай акругі БССР. З 4 жніўня 1927 года ў складзе Бабруйскага раёна Бабруйскай акругі БССР[1]. Пасля скасавання акруговай сістэмы 26 ліпеня 1930 года ў Бабруйскім раёне БССР. З 20 лютага 1938 года ў складзе Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці.

Былыя населеныя пункты на тэрыторыі Варатынскага сельсавета

• пасёлак Малая Кантора
• пасёлак Дулеў
• пасёлак Глухое Ляда
• вёска Бяляцін
• вёска Падляддзе
• пасёлак Зорка
• пасёлак Малы Восаў
• пасёлак Чырвоная Ніва (хутар Максіма)
• хутар Падхвойкі
• хутар Майдан
• хутар Гарэлае Тапіла
• пасёлак Парасля

Насельніцтва

Насельніцтва сельсавета паводле перапісу 2009 года — 1296 чалавекі[2], з іх 86,2 % — беларусы, 12,1 % — рускія, 1,2 % — украінцы[3].

Зноскі

1. ↑ ВАРАТЫНЬ // Гарады і вёскі Беларусі: Энцыклапедыя. Т. 5, кн. 1. Магілёўская вобласць / У. У. Бянько і інш. — Мн.: БелЭн, 2008. С. 164
2. ↑ Насельніцтва населеных пунктаў Магілёўскай вобласці Беларусі паводле перапісу 2009 года
3. ↑ Этнічны склад насельніцтва сельсаветаў Беларусі паводле перапісу 2009 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

Спасылкі

• Варатынскі сельсавет у картатэцы Фондавага каталога дзяржаўных архіваў Рэспублікі Беларусь