Волагда

У паняцця ёсць і іншыя значэнні, гл. Волагда (значэнні).

Волагда (руск.: Вологда) — горад у Расіі, адміністрацыйны цэнтр Валагодскай вобласці. Размешчаны на рацэ Волагдзе. Важнейшы транспартны вузел Паўночнага Захаду Расіі. Уваходзіць у лік гарадоў з асабліва каштоўнай гістарычнай спадчынай — на тэрыторыі горада 224 помнікі гісторыі, архітэктуры, культуры, з іх 128 узята пад ахову дзяржавы.

Гісторыя

Упершыню згадваецца пад 1147 годам. Да канца 14 ст. была ва ўладаннях Ноўгарада, затым трапіла пад уладу Вялікага княства Маскоўскага. У 15-17 стст. — буйны гандлёвы і рамесны цэнтр, а таксама цэнтр гандлю Рускай дзяржавы з Памор’ем, Сібір’ю і Заходняй Еўропай. З заснаваннем Пецярбурга і развіццём гандлю на Балтыйскім моры эканамічнае значэнне Волагды знізілася. У 1708 годзе ўваходзіла ў склад Архангелагародскай губерні, з 1719 года — правінцыйны горад, з 1780 года — цэнтр Валагодскага намесніцтва, з 1796 года — Валагодскай губерні. У канцы 19 — пачатку 20 стст. праз Волагду пракладзена чыгунка, якая звязала яе з Масквой (праз Яраслаўль), Архангельскам, Пецярбургам і Вяткай (цяпер г. Кіраў).

У 1926—1927 гадах у горадзе дзейнічала Беларускае студэнцкае зямляцтва.

Вядомыя асобы

• Уладзімір Аляксандравіч Карпаў (1940—2006) — беларускі філолаг.
• Варлам Ціханавіч Шаламаў
• Леанід Якаўлевіч Сакалоў (нар. 1939) — беларускі архітэктар.
• Уладзімір Канстанцінавіч Далгоў (1916—1944) — Герой Савецкага Саюза
• Піліп Фёдаравіч Фартунатаў — расійскі лінгвіст
• Мікалай Ільіч Шварц (1886—?) — урач-тэрапеўт. Доктар медыцынскіх навук (1938), прафесар (1949).

Зноскі

1. ↑ http://vologdaregion.ru/news/2016/9/26/novym-glavoy-vologdy-stal-yuriy-sapozhnikov
2. ↑ Численность постоянного населения Российской Федерации по городам, поселкам городского типа и районам на 1 января 2010 г.
3. ↑ На 1 января 2008а

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.