Вялікія Негнавічы

Вялі́кія Не́гнавічы[1] (трансліт.: Vialikija Niehnavičy, руск.: Великие Негновичи) — вёска ў Барысаўскім раёне Мінскай вобласці, на правым беразе ракі Мужанка. Уваходзіць у склад Лошніцкага сельсавета.

Размешчаны за 6 км на поўдзень ад Лошніцы, за 18 км ад Барысава і 90 км ад Мінска, за 8 км ад чыгуначнай станцыі Прыяміна на лініі Мінск — Орша.

Гісторыя

З 1524 года ў архіўных дакументах згадваецца вёска Негнавічы ў складзе Барысаўскага староства. У 1670 годзе ў вёсцы Старыя Негнавічы — 12 «дымоў». У пачатку 19 ст. паводле афіцыйных дакументаў — адна вёска — Старыя Негнавічы, але ўжо ў сярэдзіне 19 ст. — Вялікія і Малыя Негнавічы. У 1883 годзе адкрыта царкоўна-прыходская школа, пераўтвораная потым у земскую. У 1885 годзе — 71 двор, 420 жыхароў, школа граматы, царква на могілках, у Лошніцкім ваяводстве.

У 1909 годзе ў Вялікіх Негнавічах налічвалася 570 жыхароў абодвух палоў[2].

З 20 жніўня 1924 года да 17 жніўня 1963 года цэнтр Вяліканегнавіцкага сельсавета.

Адукацыя

У 1929 годзе ў вёсцы была адкрыта васьмігадовая школа, якую рабілі з лесу, што рос побач. Дырэктарам школы быў Ніварка Мікалай Раманавіч. З 1938 года — Дзмітрыеў Мікалай Архіпавіч. У 90-я гады школу закрылі.

Галерэя

• Краявіды мястэчка
• Рэшткі былой васьмігодкі
• Шлях, які праходзіць праз вёску
• Крыж, які знаходзіцца на могільніку. Лічыцца, што раней тут была царква
• Помнік партызанам, загінулым у часы барацьбы супраць акупантаў у 1944 годзе
• Помнік партызанам, якія загінулі ў 1943 годзе ад рук нямецка-фашысцкіх захопнікаў
• Былы будынак (клас) Негнавіцкай школы

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ http://elib.shpl.ru/ru/nodes/25877-yarmolovich-v-s-spisok-naselennyh-mest-minskoy-gubernii-minsk-1909#mode/inspect/page/256/zoom/7

Спасылкі

• На Вікісховішчы ёсць медыяфайлы па тэме Вялікія Негнавічы